The Market

一班舊同事好耐無一齊食好野, 所以有人提議呢間the market自助餐, 仲要提早左兩個月訂先有位, 到呢晚差D耐到唔記得左.一入到去, 地方好大, 拎野食既位置超多, 種類亦非常多.第一樣一定食冷盤啦, 龍蝦仔, 肉質彈牙, 味道鮮甜. 青口好大隻煙韌. 東風螺好爽口.再來龍蝦仔翻本食物, 食多兩件都無問題, 另外長腳蟹有海水味, 好鮮甜.跟住仲要左幾款刺身, 壽司, 樣樣都好新鮮, 特別係帆立貝刺身, 超甜超新鮮 . 仲有炸蝦, 魷魚圈等, 炸野唔油膩.沙律方面就正常有蔬菜類, 最名貴既就係魚子醬多士, 好少自助餐有呢D咁正既食材, 超讚.仲有羊架, 燒牛肉等, 兩者都烤得好香, 好夠SO味, 肉質好嫩. 其實仲有好多中式熱盤, 但太飽食唔落.最正有燉水鴨湯, 夠晒火喉, 湯好清甜, 食咁多野入個湯潤一潤.仲有蔬菜類清一清個腸胃吧, 仲有PIZZA, 印度咖哩, 粥之類食唔落.最後連甜品有好多款都食唔落, 隨意食左幾款生果無咁濟.呢度真係直得等兩個月黎食, 一來款式多, 二來無限REFILL唔洗爭.