影片
更多
2020-02-05
2704 瀏覽
日本壽喜燒過江龍——日山，終於有機會去試。最左成個月訂位，當然十分期待。初三晚上係食regular menu,三個sukiyaki menu。我地揀食中間價錢既試下。$688有幾道菜 （記憶中有呢幾道）- 前菜三味- 三色和牛壽司- 豚肉溫煮菜- 主菜：sukiyaki和牛- 柚子雪芭配抹茶流心撻首先，前菜有和牛雜菇卷，凍蝦同埋和牛啫喱凍。個啫喱凍係幾得意，似上海菜既鎮江肴肉質地。而凍蝦係配左柚子汁，酸酸地幾開胃。跟住個和牛壽司係bite size，分別係三文魚子，蔥花同海膽，一口就一舊。同餐廳講我唔食生野，所以叫廚房用火鎗炙燒上，所以我食到好有炙燒味道。然後豚肉溫煮菜就係好簡單，菜加豚肉，豚肉係幾有味既⋯⋯份量少，無乜太特別。主菜係相中的數片和牛。職員會拎去cooking station果到煮而唔會係我地面前煮的。比我地影完相就直去煮完就上菜。上菜時片肉已經係蛋醬入面，侍應叫我地先食肉後食菜，但我食到肉有根而且係硬到咬唔開，有點失望。未食完第一片，第二片肉又上枱了。侍應話食完肉，可以將蛋汁撈落蜆肉飯到食。朋友選擇左蜆肉飯，我就揀左牛骨湯烏冬。我覺得個烏冬湯底好似韓國菜既雪濃湯底，幾好
$688有幾道菜 （記憶中有呢幾道）
- 前菜三味
- 三色和牛壽司
- 豚肉溫煮菜
- 主菜：sukiyaki和牛
- 柚子雪芭配抹茶流心撻
首先，前菜有和牛雜菇卷，凍蝦同埋和牛啫喱凍。
個啫喱凍係幾得意，似上海菜既鎮江肴肉質地。而凍蝦係配左柚子汁，酸酸地幾開胃。
跟住個和牛壽司係bite size，分別係三文魚子，蔥花同海膽，一口就一舊。同餐廳講我唔食生野，所以叫廚房用火鎗炙燒上，所以我食到好有炙燒味道。
然後豚肉溫煮菜就係好簡單，菜加豚肉，豚肉係幾有味既⋯⋯份量少，無乜太特別。
主菜係相中的數片和牛。職員會拎去cooking station果到煮而唔會係我地面前煮的。比我地影完相就直去煮完就上菜。上菜時片肉已經係蛋醬入面，侍應叫我地先食肉後食菜，但我食到肉有根而且係硬到咬唔開，有點失望。未食完第一片，第二片肉又上枱了。侍應話食完肉，可以將蛋汁撈落蜆肉飯到食。朋友選擇左蜆肉飯，我就揀左牛骨湯烏冬。我覺得個烏冬湯底好似韓國菜既雪濃湯底，幾好味，我係飲哂個湯架。烏冬質地係幼身的，不是我的口味。
最後，甜品係柚子雪芭伴抹菜流心撻。柚子雪芭令我同朋友諗返起台灣無老鍋，食到最後既柚子消滯飲品，好味😋而流心撻只可以話不過不失。最後上甜品等得有點耐，等左半個鐘其實果陣唔知等緊咩。
總括而言，在食物方面，肉既味道係有既，但質素唔算突出。在服務質素，還有好多進步既空間，入座時好多人講歡迎光臨，但離開時一個都沒有講多謝。環境係望住維港，真係無得挑剔。如果再用差唔多既價錢，我同朋友都會選擇返Suiyaki Mori 到食，日山試一次就夠。
張貼
