究極堂 (蜆殼街)

營業中

休息中

放飯時間，炮台山附近雖然多人，不過餐廳都唔少。想食海鮮丼望望餐牌就揀呢度。小店居酒屋形式，午市套餐都幾多嘢揀。究極丼老實講，都係比呢個招牌丼吸引到入嚟。帶子、海膽、牡丹蝦、三文魚腩、油甘魚、火炙左口魚邊、吞拿魚蓉、三文魚籽同炸海苔，落足料，仲要係厚切刺身。另外，自己幾鐘意佢醋飯底，有少少味食落更開胃。最後，加埋隻蛋撈飯絕對會感覺良好。炙燒刺身丼以炙燒刺身做主打，鯛魚、三文魚、帶子同蝦，一樣係醋飯底。炙燒香加上醋飯香，雖然食材不及究極丼咁豐富，但就香味十足。明太子玉子燒香滑玉子，而且明太子味唔霸道，仲有大量蟹籽增強口感。日本雞柳配牛油果蓉雞柳外層香脆，雞肉口感結實，配牛油果蓉又香又冇咁熱氣。