嵐橋丼飯專門店 (已結業)

幾咗朋友去K11睇戲見仲有好多時間於是食咗晚飯先，由於時間都好早，餐廳都仲有位，無booking 就walk-in 入去食。極上藍鰭吞拿魚丼 $258大拖羅兩件，中拖羅兩件，赤身兩件，蔥花拖羅魚蓉同鵪鶉蛋，大拖油脂甘香肥美，中拖赤身好新鮮，魚味相當濃。除咗丼飯，餐廳仲有串燒，燒物，炸物，天婦羅等款式相當豐富。以串燒為例，自家製免治雞肉棒(附蛋黄）$48一串，日本雞皮$36一串，炸物嚟講，薩摩唐揚炸雞$108，吉列廣島蠔$98。價錢以尖沙咀地段嚟講都合理。