鰻工房 (已結業)

今次約咗朋友相聚，一齊去尖沙咀食燒鰻魚，地點就係「鰻工房」。餐廳屬於小店類型，座位不多，但環境整潔企理，而且上餐速度頗快。沙羅鰻蛇丼一上枱就非常吸睛！原條長達30cm嘅鰻魚，豪邁鋪滿整個飯面，氣勢十足。鰻魚表面烤得微焦，帶有淡淡炭香，魚身油脂豐盈，肉質細嫩入口即溶，口感軟綿得嚟又唔會過肥膩。配上秘製蒲燒醬汁，鹹甜適中，醬香同鰻魚鮮味完美融合，再加埋粒粒飽滿嘅米飯，真係每一啖都非常滋味！丼飯既鰻魚底仲有舊玉子，食哂成碗真係超級飽。蒲燒鰻魚厚燒玉子丼碗內有厚厚的玉子同嫩滑的鰻魚，玉子柔軟微甜帶蛋香，鰻魚則烤得外層微脆，兩者一齊食層次分明又富有飽足感。飯底吸晒蒲燒醬汁，帶少少甜鹹味，整體不錯。