蟹慶 (已結業)

原來香港都有主打日式蟹肉嘅專門店，今日就去咗呢間餐廳，地點非常就腳就喺SOGO隔離，幾鍾意餐廳裏面有啲小個室，私隱唔錯，可以靜靜地同friend 傾下偈。叫咗個海鮮料理會席，前菜蟹肉沙律，蒜頭漬及山葵八爪魚，個沙律裏面有好多蟹肉同埋魚籽，食起嚟口感豐富，蟹肉鮮甜。刺身拼盤，有油甘魚，甜蝦及中拖羅，另外加了一隻北海道象拔蚌，拼盤上枱非常冰凍，北海道嘅象拔蚌又清甜又爽脆，最緊要沒有貝類那種刺鼻嘅味道。鹽燒喜知次，整條上枱，外皮燒得香脆，魚肉油份澎湃，鰭位都非常甘香又香脆。極上天婦羅盛盒，有炸蝦，秋葵，南瓜，帶子紫蘇葉及第一次吃的炸蟹腳，外皮揸得香脆，蟹腳彈牙，點埋酸汁仲有少少綠色嘅抹茶鹽，非常好味！寄世海海鮮鍋，有帶子，生蠔，蟹鉗及蝦，海鮮鮮甜，隻蟹鉗及蝦都非常彈牙，海鮮湯底之後仲可以淥日本的烏冬，吸晒湯嘅精華，加上旁邊舞茸，鮮上加鮮！結尾海鮮高湯，加入蟹肉，蝦肉及帶子貝柱，清澈嘅湯頭，鮮甜又濃厚。