備長

營業中

休息中

唔想食咁飽，但又想同朋友有個位食下野吹吓水，所以就搵咗間居酒屋啦。佢嘅環境都幾適合傾偈，但冷氣略嫌唔夠大，坐到有啲熱。食物方面，串燒嘅選擇都幾多！牛脷係我去到邊都要叫嘅一個item。佢嘅牛脷串好出色，厚薄適中，唔會羶，牛味好香。佢嘅明太子雞翼都好正！辣辣地，好惹味，但又唔會好肥膩。跟住都係唔少得嘅雞軟骨同雞皮，夠脆夠香，中規中矩。另外仲試咗佢嘅安格斯牛柳串，可能因為我叫全熟，所以唔算太Juicy。至於佢嘅羊架，同樣唔會羶，羊味唔會話太重，不錯。最後係佢嘅三文魚燒飯團，賣相不錯，但如果三文魚多啲會比較好，哈哈。