自家燒吧 (已結業)

同班大食朋友去食嘢梗係要搵任食既嘢啦，今次約咗呢間又係之前係Facebook睇到可以自轉燒串燒既餐廳，幾創新之餘又可以傾下計同包食飽肚。我地食8點半，價錢係$218加一，價錢都合理。呢度有得出去食嘢食同有啲餐廳整好咗既熟食可以任拎。有得拎既熟食有燒蠔、炸菇、燒洋蔥圈、豬肋骨、魚等等。燒蠔好好食，不停咁encore。自己燒既嘢食更加多，全部都係串好咗，肉比較多，但蔬菜類都唔少，肉食獸同蔬菜派都可以照顧到。自己最鐘意既係午餐肉，本身熟所以好快就有得食，食落去好香。蔬菜類有好多唔同既嘢食，連秋葵都有，好encore咗好多次。