影片
更多
2018-02-05
49 瀏覽
冬天除左打邊爐之外， 食串燒都係一個唔錯的選擇 。咁岩呢幾日又凍到飛起 ，去BBQ 真係會凍壞，搵間鋪食串燒都無咁嬲。要係銅鑼灣食好野 ，澳門逸園中心真係可以由地底食到頂樓 ，價錢一定唔會係最平 ，但以高質素食材配合舒適環境， 26樓呢間備長，都算做到幾大眾化喇 。餐廳唔算太大， 但擺位唔錯， 坐低有足夠空間感 ，木色為主，裝修配合黃光， 格調感覺高尚。餐牌清晰易明 ，大部份食物都有圖片參考 ，盡見細心 。食串燒前梗要叫番杯啤酒熱身 ，呢度係飲Kirin draught 的 ，個人雖然比較多飲Asahi ，但無咩所謂， 有得飲draught 已經開心 ! 食串燒好多時都有選擇困難呢個問題， 眼闊肚窄 ，每樣都想食 ，可惜胃唔夠大 ，荷包都唔夠厚 … 哈哈！店員提議左幾樣招牌串燒 ，係度賣個關子，唔講係乜 ，最後我地一行3人點左唔同既美食，包括雞腎 HK 32、 雞皮HK 25 、雞肝 HK28、 牛舌厚燒 HK 52、大蔥雞肉串 HK 25、 多春魚 HK 22、 豚之大腸 HK 30、自家制免治雞肉棒+溫泉蛋 HK 42、 汁燒筒魷魚HK 85 等~總個來講，每一樣串燒都做得非常之有
咁岩呢幾日又凍到飛起 ，去BBQ 真係會凍壞，搵間鋪食串燒都無咁嬲。
要係銅鑼灣食好野 ，澳門逸園中心真係可以由地底食到頂樓 ，價錢一定唔會係最平 ，但以高質素食材配合舒適環境， 26樓呢間備長，都算做到幾大眾化喇 。
餐廳唔算太大， 但擺位唔錯， 坐低有足夠空間感 ，木色為主，裝修配合黃光， 格調感覺高尚。
餐牌清晰易明 ，大部份食物都有圖片參考 ，盡見細心 。
食串燒前梗要叫番杯啤酒熱身 ，呢度係飲Kirin draught 的 ，個人雖然比較多飲Asahi ，但無咩所謂， 有得飲draught 已經開心 !
食串燒好多時都有選擇困難呢個問題， 眼闊肚窄 ，每樣都想食 ，可惜胃唔夠大 ，荷包都唔夠厚 … 哈哈！
店員提議左幾樣招牌串燒 ，係度賣個關子，唔講係乜 ，最後我地一行3人點左唔同既美食，包括雞腎 HK 32、 雞皮HK 25 、雞肝 HK28、 牛舌厚燒 HK 52、大蔥雞肉串 HK 25、 多春魚 HK 22、 豚之大腸 HK 30、自家制免治雞肉棒+溫泉蛋 HK 42、 汁燒筒魷魚HK 85 等~
總個來講，每一樣串燒都做得非常之有心機，味道貼近備長炭的炭燒效果！
雞腎以原粒上 ，好好咬 ，幾特別 。
雞皮燒得十分脆口 ，無油， 有水準 ！
雞肝火喉恰到好處 ，無變硬 ，正！
牛舌厚切由大排到細 ，燒得好， 咬落口感極佳， 水準之作 ！
大蔥雞肉串， 唔係俾雞的脂肪位置 ，食到雞肉香，雖然瘦肉居多，但食落竟然唔會乾到似擦子膠， 有料到 ！
多春魚 ，正路，夠乾身。
豚之大腸 ，有經裁剪過 ，只有少量肥膏，但一樣好香。
自家製免治雞肉棒+溫泉蛋 ，係我至愛！ 隻蛋比出面食開的生蛋更有層次， 味道極佳 ，好食到想喊出黎！個汁可以點埋其他燒肉，一樣合拍又好味。
燒筒魷魚， 燒汁做得唔錯 !
食材質素係幾高， 整體唔會好似外面咁偏咸，呢一點值得一讚！
相反我鍾意佢淡淡地帶一DD的鹽味 ，而且火喉控制得真係好到位 ，咁先係食串燒而唔係食調味料 ，當然 ，想口味濃D 亦可補上少少七味粉 ，效果同樣出色。
除左食物外， 我對呢間餐廳印象都幾好， 食客唔會嘈 ，服務幾緊貼 ，常常會幫你換碟。
而且叫左食物， 佢會幾樣幾樣咁送上， 而唔係一次燒哂成排， 一次擺哂上黎 ，未食已經凍哂 。
食串燒 、嘆啤酒 ，真係無得急 ，今日睇餐牌，9點後，部分飲品仲有半價優惠！ 不過地太早到， 無得享受呢個服務 ，下次啦， 食完野 ，坐低飲酒傾計 ，呢間餐廳真係一個唔錯的選擇 ，值得向朋友推薦一下呢個----備長!
張貼
