備長

營業中

休息中

香港人對於日本菜式非常鍾情，特別壽司、拉麵、鐵板燒，以及啱哂一大班朋友食嘅日式串燒。串燒亦有一種魔力可以凝聚到一班朋友，一邊食、一邊聊天眨吓眼就過咗一個好美好時光。而今次去呢間日式串燒餐廳，除咗啱晒一大班朋友一齊食之外，串燒味道亦非常唔錯。刺身六點刺身賣相精緻，食材亦都好新魚，特別佢嘅帶子刺身相當鮮甜。串燒白鱔推介美食，白鱔厚身肥美，加上師傅手藝令白鱔表面燒得相當香脆，肉質則厚而嫩滑，有著濃郁嘅白鱔味道。豚之大腸好少日本串燒餐廳食到嘅菜式，師傅預先將豬大腸清理再切一半之後再燒。其實真係好考師傅嘅功夫，因為火喉掌握得唔好就會過老，而今次食個味道真係唔錯，而且好喜歡佢爽脆嘅感覺。荔枝豚肉串豚肉加上荔枝真係一個美妙嘅組合，荔枝嘅清甜，令豚肉食起上嚟唔會油膩而且仲會帶出一份清香。燒翠玉瓜食咗咁多肉類，當然唔少得食啲蔬菜，爽甜嘅翠玉瓜真係唔錯嘅選擇，而且非常之多汁真係啱哂。燒手羽先燒雞翼我自細鍾意食，相信大部份香港人都鍾意食燒雞翼。今次嘅燒雞翼亦燒得唔錯，表面香脆內裏亦保留好多肉汁，加上調味剛剛好真係食多隻都怕。