影片
更多
2022-02-25
24 瀏覽
少左外出進餐，午餐嘅預算就可以提高些少😋 位於天后嘅𝘗𝘢𝘳𝘬 𝘈𝘶𝘳𝘢陸續有新店進駐，黎到其中新開嘅「申、居酒屋」🏮二人午餐$960由前菜到串燒都頗有風味，食材新鮮，真係一分錢一分貨😎《 唐揚魷魚鬚 》4 / 5前菜先黎一碟脆口魷魚鬚，即炸熱辣辣，魷魚夠爽😋《 海草沙律 🥗 》4 / 5自家製沙律汁酸咪咪好開胃👍🏻 海草口感爽脆又索汁，加上沙律菜新鮮清爽～《 自家製免治雞肉棒 》4.5 / 5將雞肉同雞軟骨攪碎搓成嘅雞肉棒，配上醬油同雞蛋黃混合嘅秘醬，一啖咬落去鮮味之餘口感「索索聲」好特別🤤《 文化牛脷 》4.5 / 5先將牛脷慢煮，再塗上牛油果醬加麵包糠放入焗爐烤😋 繁複嘅步驟後，外在香脆又有牛油香，內裡又嫩又綿，層次豐富👍🏻《 豆腐田樂 》4 / 5面頭係好特別嘅田樂醬，有啲似中式甜醬加豆瓣醬，甜中帶點鹹鮮🤤 豆腐烤到四條邊脆卜卜，頗有豆香😋《 原條喜之次鹽燒 》4.5 / 5「喜之次」係生長喺日本北海道深海嘅魚，魚脂豐富肉質厚實，只係用簡單嘅鹽燒製法已經足夠提鮮，配合廚師對火候嘅控制，令到魚肉脆身之餘，肉汁都仲鎖住響魚入面🤤《 西班牙黑豚串 》5 / 5 🌟🌟🌟🌟🌟半肥瘦黑豚肉，
《 唐揚魷魚鬚 》4 / 5
前菜先黎一碟脆口魷魚鬚，即炸熱辣辣，魷魚夠爽😋
《 海草沙律 🥗 》4 / 5
自家製沙律汁酸咪咪好開胃👍🏻 海草口感爽脆又索汁，加上沙律菜新鮮清爽～
《 自家製免治雞肉棒 》4.5 / 5
將雞肉同雞軟骨攪碎搓成嘅雞肉棒，配上醬油同雞蛋黃混合嘅秘醬，一啖咬落去鮮味之餘口感「索索聲」好特別🤤
《 文化牛脷 》4.5 / 5
先將牛脷慢煮，再塗上牛油果醬加麵包糠放入焗爐烤😋 繁複嘅步驟後，外在香脆又有牛油香，內裡又嫩又綿，層次豐富👍🏻
《 豆腐田樂 》4 / 5
面頭係好特別嘅田樂醬，有啲似中式甜醬加豆瓣醬，甜中帶點鹹鮮🤤 豆腐烤到四條邊脆卜卜，頗有豆香😋
《 原條喜之次鹽燒 》4.5 / 5
「喜之次」係生長喺日本北海道深海嘅魚，魚脂豐富肉質厚實，只係用簡單嘅鹽燒製法已經足夠提鮮，配合廚師對火候嘅控制，令到魚肉脆身之餘，肉汁都仲鎖住響魚入面🤤
《 西班牙黑豚串 》5 / 5 🌟🌟🌟🌟🌟
半肥瘦黑豚肉，炸皮薄薄一層，咬開肉汁流晒出黎🤤 豚肉一啲都唔鞋口，肥膏位置更係入口即溶🤩 店員特別提示我哋一定要用豚肉汁撈椰菜絲食，豚肉汁帶點蘋果味，果然一解油膩👍🏻
《 穴子飯 》4 / 5
豐盛嘅二人餐仲有每人一大碗穴子飯🤩 作為油脂較少嘅星鰻，用天婦羅形式烹調，仍然保持肉質細嫩👍🏻 加上醬汁更鮮甜，配搭上乘日本米飯🍚 米飯好香，口感較乾身，如果多啲醬汁更佳🤤
《 蜆味增湯 》4 / 5
好濃郁嘅蜆湯！令人好懷念日本當地嘅味增湯味🤤
《 芝麻 / 紅豆雪糕 》4 / 5
最後來一球北海道牛乳製作而成嘅雪糕球🍨 牛乳味突出，令到兩者口感特別軟滑👍🏻
整體環境寬敞舒適，服務貼心到位～ 食材用料上乘有新意👍🏻
張貼
