北斗

營業中

休息中

今日本來想同個夢中情人去九龍城食泰菜，行到呢間叫做北斗嘅日本小店，望入去好似幾有氣氛，一於試新嘢，果然冇令我地失望，一入去見到吧枱嘅設計好有日本風情畫feel,Lee度主打日式串揚，每樣嘢都真係煮得好好食，特別係呢個廚師發板北斗八品盛合。1.前菜：蒜頭木魚漬,酸酸甜甜好爽口。蟹子薯仔沙律，青青爽爽，夏日食最開胃！2.北斗八品盛合（廚師發板）,日本紋甲魷魚、鰻魚、磯煮鮑魚、子持昆布配櫻花蝦、北海道活帆立貝配三文魚子、沖繩亞古豬柳、甘鯛立鱗、厚切牛舌，全部都整得好好食。3.地蛤清湯，夠曬清甜，用個茶壺裝住倒落個杯飲好有feel！4.里芋（福井直送）長芋（青森直送）,口感好似新鮮淮山，好爽口！5.茶漬飯（三文魚、明太子、南高梅）,又好飲又好食，夠曬暖胃！仲有好多嘢未試，下次再慢慢試！嚟九龍城終於唔使食泰菜，哈哈哈！