至尊滿屋日本料理 (已結業)

今個星期五本來約左班朋友去瓊華中心間大鍋口打邊爐，點知去到樓下個朋友突然話想食放題好啦咁於是就去左7樓嗰間《至尊滿屋日式放题》，可能撞啱食飯時間我地又無book枱所以都等左20分鐘先安排到位置，其實我之前都嚟過一次整體上都ok既，今次再來發现轉左新餐牌多左好多款式既食物一坐低就點左三文魚刺身同甜蝦因為呢兩樣野都係我既至愛值得一提呢度上菜速度真係好快，落完單一陣就已經送到，聽個侍應哥哥講呢度芝麻雞翼同炸香芋丸都唔錯所以就試下啦，果然真係無令我失望，其他食物例如鍋物，天婦羅就中規中矩啦……唯一不足之處就係甜品款式少不過好彩最後都有個好好味既雪糕補返數其實200幾蚊食個放題都算係咁啦！