影片
更多
2020-01-25
203 瀏覽
PMQ附近多特色餐廳係人都知,但再遠少少既街真係比較少發掘,今日特意行耐少少走遠少少睇下會唔會尋到寶.走上斜坡眼見一間有掛上寫住本土味好濃既名既霓虹燈又幾吸引,決定走入去闖闖.內裏最吸引既係bar枱,見到手工啤酒一系列排晒係啤酒容器到,拉一拉開關就有啤酒倒出黎.內裏用上既公雞餐碗碟及橙紅色筷子配上復古既環境相當有氣氛.Beer flight$150/200mlx4自選手工啤酒1.螢凍檸茶IBU0度唔會苦澀啱晒怕苦既人,飲落慢慢有淡淡檸檬香,好似飲緊茶記既凍檸茶咁好得意.2.獅子山下味道以果香果為重帶點桃香,顏色較深麥味更濃.3.青瓜顏色係4款入面最清帶點翠綠,入口幾fresh先帶微甜後有微澀.4.收市閒情帶柚橘香,相對苦澀味無咁重易入口,啤酒花香味清香.涼拌咖喱魷魚配沙律菜咖喱帶住淡淡椰香黃咖喱味,入口唔會好辣.魷魚中間𠝹開一格格掛起左更多咖喱汁令入口更惹味同香濃.魷魚入口十分爽脆鮮甜再配上紫洋葱等沙律菜清爽帶微辛口感同卜卜脆既麵包粒同時間帶黎3種不同口感.白胡椒蕃茄酸菜煮紐西蘭鑽石蜆,鑽石蜆果然巨型夠晒大粒,蜆肉無沙得黎又大粒,入口鮮甜爽彈.蕃茄白胡椒湯底夠晒茄味之餘慢慢有胡椒既椒味
內裏最吸引既係bar枱,見到手工啤酒一系列排晒係啤酒容器到,拉一拉開關就有啤酒倒出黎.內裏用上既公雞餐碗碟及橙紅色筷子配上復古既環境相當有氣氛.
Beer flight$150/200mlx4自選手工啤酒
1.螢凍檸茶IBU0度唔會苦澀啱晒怕苦既人,飲落慢慢有淡淡檸檬香,好似飲緊茶記既凍檸茶咁好得意.
2.獅子山下味道以果香果為重帶點桃香,顏色較深麥味更濃.
3.青瓜顏色係4款入面最清帶點翠綠,入口幾fresh先帶微甜後有微澀.
4.收市閒情帶柚橘香,相對苦澀味無咁重易入口,啤酒花香味清香.
涼拌咖喱魷魚配沙律菜咖喱帶住淡淡椰香黃咖喱味,入口唔會好辣.魷魚中間𠝹開一格格掛起左更多咖喱汁令入口更惹味同香濃.魷魚入口十分爽脆鮮甜再配上紫洋葱等沙律菜清爽帶微辛口感同卜卜脆既麵包粒同時間帶黎3種不同口感.
白胡椒蕃茄酸菜煮紐西蘭鑽石蜆,鑽石蜆果然巨型夠晒大粒,蜆肉無沙得黎又大粒,入口鮮甜爽彈.蕃茄白胡椒湯底夠晒茄味之餘慢慢有胡椒既椒味滲出.底下有粉絲豆卜吸晒蜆同蕃茄湯精華.
卡邦尼亞式臘味炆和牛臉頰肉配煎腸粉成個配搭新穎得黎個味道估唔到咁夾.帶少少忌廉口味既臘味醬唔會過太濃味得黎又食得出臘味咸香味,就算唔太好臘味既人都食到.牛臉頰炆得夠淋帶點油香.腸粉煎過後更香口咬落米香味幾香,而且本身無咩味既腸粉加上濃味卡邦尼亞式臘味估唔到幾夾.
張貼
