Daap

營業中

休息中

揀依間餐廳係因為被佢中西合璧嘅fusion菜式所吸引，今次平日中午去食見到有好多應該係附近返工嘅人去食，配搭上果然有創意同埋驚喜～烤栗子湯配香煎羊肚菌🌰栗子湯質感豐厚得嚟唔膩，面頭嘅羊肚菌香口，獨特嘅菌味為栗子湯增加咗層次感👍阿根廷紅蝦蝦醬蝦乾手工意粉🍝 手工意粉口感有彈性，用蝦醬同蝦乾煮成嘅醬汁味道鹹香鮮明，廚師係我地面前烹調嘅時候已經傳嚟陣陣香味，食落去就更加之香，估唔到中式嘅蝦醬同西式嘅意粉都可以咁夾，好令人上癮，至於阿根廷紅蝦係半熟，成個意粉都好好食😋澳洲榖飼和牛板腱扒配豆豉牛油汁🥩賣相令人聯想起牛肉炒菜心，和牛板腱扒大概五成熟，牛味都幾濃，比較特別嘅係個豆豉牛油汁，有少少似麵豉醬，豆豉嘅鹹香能帶出牛肉味，係一個幾有創意嘅配搭！