名館 (已結業)

今日同朋友輕食晚餐，因為中午食左自助餐實在未餓，但係晚餐時間又要食野，結果去左間中菜館試試。見到價錢中中，又唔算好大碟，就同朋友食餐中菜。我先點一杯紅棗杞子茶。入口清甜不膩，陣陣清甜紅棗香，非常滋潤養顏，女士恩物。朋友點上一個湯。原盅燉湯非常花功夫，材料非常豐富，湯汁入口清甜濃香，沒有過多味精，鮮甜出色。柚子蝦球。食啲酸甜食物會比較開胃，叫左個酸甜小菜。蝦球炸得香脆不油膩，爽口彈牙不會乾身，醬汁酸甜伴上柚子肉，清新清香。鮮蝦薄餅。薄餅比較厚身，粉漿宜薄啲比較好。調味不夠重，咸香清清的。