海景軒

營業中

休息中

老闆有野搵我傾, 叫我一齊食飯, 佢叫到邊度都要去啦. 坐低佢就自動波叫左幾樣.黎左個陳皮沙薑雞, 雞肉質夠嫩, 雞味幾濃. 一粒粒係話梅肉丸, 肉丸夠晒飽滿, 酸酸地幾開胃. 個雀巢炸炸到金黃色幾脆口.蜜梅燒骨, 即係炸排骨, 外邊炸得幾脆口, 排骨肥瘦適中, 所以入口有脂肪油香. 個汁甜甜地, 沾滿左成舊排骨, 口感豐富.家鄉煎茶粿, 用糯米做既茶粿煎香左, 入面有D豬肉碎同花生碎, 食落好香口, 又脆又林林地, 配搭好特別.