優點心 (已結業)

同朋友去老蘭飲野，咁岩見到間新派點心，所以入左去試試。間野點心幾好食，但係串燒我覺得麻麻。叫左個「竹炭流心阿華田包」，有創意，幾新穎，用左阿華田代替奶皇有另一種感覺，包夠軟熟。仲有「櫻花蝦蝦餃」，蝦肉比一般嘅蝦餃大粒，食落好滿足，餃皮唔夠薄但食唔會漿口，唔錯。串燒，覺得唔太好食，而且唔底食，味道麻麻，佢地主要靠落七味粉去調味。整體尼講，推介大家試下佢地嘅點心，串燒就唔好啦，想食串燒隔離街個間好食好多。