優點心 (已結業)

年尾出左雙糧，同三個同事過老蘭飲酒，經過呢間 優點心，就打算食下嘢打底先。點知全場爆滿……等左成15分鐘先有4人檯……坐低，先點左最出名嘅 阿華田流沙包。名不虛傳！一咬開，啲朱古力流心，【必】出嚟，好香甜，成口都係，好正。不過，呢個飽，我覺得堂食先最正！外賣的話，阿華田流心唔多唔少會【索】左落個飽到。跟手點埋另一個 綠茶流沙飽，又係好正。流心夠熱，又多，成口都係，感覺回哂本，哈哈……最難得係，綠茶流心好清香，唔會過甜，又唔會苦，恰到好處其實係最考功夫嘅。農場鷄脾飯：好大碟！鷄味好夠，又滑。個碟係粉紅色嘅心型，女同事見到好開心！另外我哋再有點：櫻花水晶蝦餃、鮑魚燒賣、麻婆豆腐等等但一來肚餓，二來掛住食，三來要同佢哋好得意嘅貓店長玩，之後就忘記影相了，哈……鋪頭細啲，但食品好好食，價錢好合理。女經理好nice，佢同我哋講，過年期間會裝修，過年後做埋二樓，會多啲位。希望到時唔好加價，又維持到食物質素啦。

之前見過呢間餐廳有點心放題，可惜太忙食唔到。上星期咁岩去左中環食又諗起佢就試左一次。點心放題完左但野食一D都唔貴，大部份二十三十蚊有交易，性價比中環黎講好好！特別介紹人參小籠包，因為一食入面真係有人參片！係真係有人參片唔係淨係得個味粉！仲有桃膠系列糖水，之前睇過中醫都介紹過有美顏功效，不下於貴價補品。岩哂女士們。除左點心外仲有好多串燒同甜品，有個柯華田流沙包都好正，冇平時流沙包咁悶。雖然位置巷仔到但絕對唔失禮啊。

上次小妹黎到中環食過一次呢間點心，覺得幾特別，有好多特色既點心呀！好似阿華田流沙包，原隻鮑魚燒賣咁今次小妹就想試下其他野有好多串燒上次未試過今次一預又試埋啦今次小妹午飯時間同家姐二人同行兩個人試唔到太多野🙈🙈今次小妹覺得最正既就係呢款燒賣而且佢地轉左新Menu多左啲可愛既名，不過可惜兩個女仔小鳥胃下次再黎過啦一於仲想試多啲佢既點心小食睇下係唔係真材實料嘛有興趣既話大家都不妨黎呢度一試蘭桂芳內既點心

有晚Happy Friday OT到8點，男友專登泥揾我dinner, 就去左蘭桂芳附近睇下有咩食，見到呢間點心舖有位就入左去，餐廳好靜。 不過唔緊要，都係想食下d點心，叫左個竹炭阿華田包，黑白松露野菌餃，流心芝士豬扒麻醬飯。 個阿華田包賣相幾靚，閃閃發光咁，但咬落去有d凍，之後換番個暖笠笠都ok! 黑白松露餃都好味！其他就正常，性格比唔算高

帶左幾個外國朋友黎食，完全中伏，得一個人整野食，我地等左好耐，啲野又難食，所謂嘅流沙包一咬就吡哂啲水出黎，難食到嘔；個排骨飯係用微波爐膠盒叮唔知幾耐之前整定，完全冇技巧，但叮一叮都要等成粒鐘；呢間野一定俾左好多錢落廣告同買好評，希望唔好再有人再俾啲假好評同廣告扼左中伏......最後唔知好彩淨唔好彩，埋單我地投訴個流沙飽好水，佢唔信，自己試mit開佢，即刻彈到我老公件衫，算佢有啲良心，佢想唔waive都唔得!

之前去同朋友飲野，飲野前當然要食少少野打少少底先啦，試左呢間點心店呢間點心店位置好近蘭佳坊，所以都好方便，而且價錢中環黎講一D都唔貴，除左本地人外都幾多鬼佬去食。Menu上同一般點心店幾唔同，好多自己fusion既點心。自己幾鍾意食個櫻花蝦蝦餃，賣相靚之餘同加入左櫻花蝦，口感加強左之餘蝦味都好出。人參小龍包本身以為係開粉個隻，點知真係有原片人參。就係阿媽平時煮人參個隻味，貨真價實。餐廳員工仲推介我地食桃膠系列，幾滋潤而且暖身。堆單價錢每人100都唔洗，幾抵玩。同埋仲叫到鬼佬飲啤酒chill住吹水，中環黎講性價比真心唔錯

we arrived with a 50% discount but when we ordered our discount was only applied to certain items as "traditional" items were excluded. however this was not told to us when we arrived and informed the waitress of our reservation discount, nor when we ordered. we were also charged for tea that we didn't drink and for service which was appalling as the call button did not work and when we tried to gain staff attention we had to wait for other tables to order. at the end when I asked about the disc

We were using plastic containers and paper cups because they couldn't hire someone to do the dishes.They served us food that had gone bad. The green tea and sweet potato cake was sour which really did not taste right.The place was small with bad hygiene.The waitress was nice but did not make up for the fact that everything ordered was served at once and the dessert did not come last.Was not a good experience.

在中環這些高消費地方，很難才能找到一些價錢不太貴而且味道也有一定保證的餐廳，那天我和朋友在中環附近逛街的時候就找到了這家點心舖，價格合理，而且味道也很好。可以說的是這家點心舖走的路線與傳統的一些點心舖有一點不同，優點心的點心加入了一些外國菜的元素，例如從圖片中可以看到，它們售賣的點心有黑松露蝦餃、海膽燒賣、人蔘湯灌湯餃和櫻花水晶蝦餃等結合了中國點心和外國食材的點心。而除了點心外，優點心也有推出不同的日式串燒，例如是雞肉串和豬肉串等，十分適合一些不滿足每次只吃一種菜色的顧客。總括而言，如果你來到中環，又想吃一些與別不同的新菜式，而且不想付太多的錢，那這家位於蘭桂坊附近的點心舖絕對是你的首選！

前幾日有班親戚落左嚟香港, 朝早帶左佢地山頂遊,晏就佢地嚷著要夜晚感受下香港既夜生活。於是我就帶左佢地去蘭桂芳, 飲野之前 好讓他認識一下香港既點心。見到呢間點心舖開設在中環蘭桂坊附近, 我地就走左入去試啦。 海洋魚子鮮蝦燒賣裡面有4粒燒賣, 頂部是有很多蟹子粒粒，燒賣肉質適中，咬落也有少許肉汁, 好味呀。 蝦米肉鬆粢飯~ 咬落去D粢飯煙煙韌韌咁，加埋D肉鬆一齊食個口感又真係好match架姐~綠茶流沙包～熱辣辣既綠茶流沙流出黎, 包又好軟熟, 再飲啖茶又真係好嘆既感覺。總括黎講, 我班親戚係非常滿足架。

返中環既我日日頭痛食咩午餐﹐我自己就好少帶飯, 差唔多日日都要落街食咁。聽同事講附近開左間點心鋪﹐於是就同班同事試下啦。首先, 我地想食得豪少少就叫左個海膽燒賣。上面鋪左一層厚厚既海膽係非常正,咬落濃濃既海膽味道, 超好食呀。櫻花蝦蝦餃, 蝦肉比較大粒, 食落味道好滿足, 如果餃皮可以薄返少少就最好啦~蝦米肉鬆栥飯, 一碟有兩大條。煙煙un un 咁。我同同事都已經覺得好飽下啦! 綠茶流沙包, 內餡係綠茶流沙, 熱度還是能保持住的。因此, 個包食落都幾軟熟架。

早兩日同朋友行左去PMQ 行街﹐治途行到去蘭桂芳已經是下午四點幾我同朋友個肚都開始餓, 於是經過呢間點心鋪就入左去試啦。呢間點心鋪打正旗號係賣創意點心的﹐等我續一介紹下裡面既食物啦首先, 我地叫左個宇治金時饅頭, 炸到仆仆脆既饅頭, 面頭撒左綠茶粉同埋紅豆,好味!之後叫左個鮑魚燒賣, 鮑魚爽甜, 口感不錯, 鮑魚同燒賣 食落覺得幾match^^阿華田流心包, 呢個真係創意點心黎講必食之選呀, 因為我地一般都係食流心奶皇包而今次係食阿華田既流心, 呢個點心都算係幾突破架啦^^賣相仲好唔錯。

今日去左中環見客戶, 見完之後就緊係去醫肚啦！中環區如果想食得平平地, 中環區應該都好少選擇。但又唔係好想成日食茶餐廳, 所以就選擇左呢間點心鋪試啦~ 一坐底打開食鐠, 見到D點心又真係有創意。即刻好豪咁叫左個鮑魚燒賣﹐鮑魚咬落幾彈牙﹐燒賣都幾熱騰騰, 其實一啖就搞掂,哈哈!之後, 叫左個普普通既叉燒腸, 外表雖然係無咩特別,但裡而既餡料都算幾豐富。白松露粉果, 味道都不錯。如果個皮可以薄少少就好了。馬拉盞都幾熱辣辣架, 仲幾鬆軟添有香味。好不錯！

見網上咁多評價，係今日中環放工後，就諗住試一試依間小店。點知，真係中哂大伏，樓面長期冇人係度不突止，幾經辛苦落到左單後，就話有幾碟點心話賣哂，我心諗，7點鐘咁早已經賣哂？所以知道之後，仍然再加單，希望可以食飽飽。阿華田竹炭流心飽入面得少少阿華田醬，入口苦苦的，因為冇乜醬，完全沒有流心效果。黑松露蝦餃皇只是普通的蝦餃，上面加了一些黑松露醬而已。食左半小時後，等了接近一小時都沒有其他的食物上枱，樓面又長期冇人。 加單的食物完全沒有出現過， 原本一早點的蘿蔔糕等了接近一小時才出現。店內其實只是得5枱客人，每枱都只有2位客人，都唔明白點解可以咁耐都唔上菜。最後，隔離枱的男士終於忍不住走去廚房問店員發生什麼事，之後見住佢怒氣沖沖地返回坐位並埋單走人。我地見到依個情況之後，決定都放棄繼續等待，拿拿聲埋單走人。如果再等落去的話，可能9點都仲未食到。 總結，味道不過不失，但冇下次😢

星期日放假同朋友去左大館影相, 影到中午既時間有D肚餓﹐行下搵下就發現原來中環有間野食點心既﹐我同朋友都打算想試下, 於是我地就行左入去首先我地太肚餓既情況下, 叫左個可以食得飽少少既野, 糯米雞糯米雞D飯都幾淋軟下, 我自己唔太鐘意食硬既米,呢個都算係OK!和風燒汁煎餃子, 都算係幾香口, 如果 餡料 可以多返少少就好啦~~ 之後叫左個黑松露蝦餃, 黑松露味都幾濃郁下, 好彩呢個味道又未至於蓋過只蝦餃!總括黎講, 優點心既點心幾有創意,仲有係中環食LUNCH時間唔洗等位, 真係一個唔錯選擇!!