龍亭

最近好多朋友介紹呢間鐵板燒，不過佐敦唔係好順路，原來中環都有分店，咁今日早咗朋友嚟食生日飯啦。一開始服務態度都好好，有問我哋有啲咩唔食得或者敏感，然後逐度做到菜就慢慢上啦。我自己最鍾意呢個生蠔，因為好開胃，食物非常新鮮，而且完全唔使點汁都好好食，份量好大差唔多食咗個前菜就飽啦。我朋友就揀咗呢個海膽前菜，試咗佢一啖海膽，真係好新鮮，而且味道啱啱好，好適合作為一個前菜。我自己最鍾意呢個燒煮鮑魚，鮑魚份量大講，但係食落好新鮮，口感好好鮑魚雖然冇好多調味，但係好彈牙好好食。因為我哋唔食牛，所以轉左豚肉。但係估唔到豚肉都咁出色，佢嘅調味啱啱好，而且豚肉好香，雖然佢切得好薄，但係咁啱可以吸晒啲汁，真係非常推薦。呢個銀鱈魚西京燒又係一流，佢嘅調味好淡，但係食得出魚嘅新鮮味，而且唔使點執都好好食，因為佢嘅魚嘅新鮮感已經蓋過晒所有醬汁。間餐廳性價比好高，而且食物嘅質素都好好，下次都一定會再嚟啊。