龍亭

餐廳：龍亭地點：中環蘭桂坊菜式：鐵板燒餐牌：沙律，前菜，鐵板海鮮，鐵板肉類，鐵板燒料理，鐵板炒飯，甜品，多款套餐。今日每人叫左個高級廚師發辦套餐(十一點)$688另加一。包括：1. 招牌沙律招牌沙律係新鮮有機沙律雜菜，由一片熟成挪威煙三文魚包住，面頭加上少少鹹香格陵蘭黑魚子醬。配有酸咪咪哥倫比亞龍珠果一粒，同車厘茄三片。伴有意大利黑醋三點同日本野菜汁三點。口感味道係外鹹香內爽脆，好特別。2. 前菜三點前菜三點，右至左分別係三色蔥。中間係熟成三文魚，加上蔥花，滑溜魚味濃。最左係三文魚鮫海草昆布，三文魚鮫骨膠原豐富，好爽脆，食落味道酸咪咪，好開胃。3. 魚子醬蘭王温泉蛋魚子醬蘭王温泉蛋用中式茶杯上枱，好特別。撈埋先食，温泉蛋滑溜冰凍，加上夠份量魚子醬，松露好香濃，面頭加上青瓜絲同食用花點綴。4. 刺身一品二選一。時令魚子醬生蠔新鮮多汁唔會太鹹，配海鹽泡沫味道好夾，加上少少三文魚籽帶黎鹹香味，伴有檸檬，唔洗加都得。加埋食用花賣相一流。鯛魚刺身一客三片，好鮮美，伴有日式芥末。5. 鐵板海鮮兩品四選二。每兩款海鮮一齊上枱， 伴有自家製蝦膏海鮮醬同炸蒜。慢煮鮑魚一客兩隻，已除殼。口感超彈牙，好鮮甜。虎蝦好大隻，已經切開兩件方便食用。蝦肉爽脆，簡單加上黑椒已經好好味。白鰻一大片，脆皮同彈牙，加上香甜黑醋更加開胃。日本元貝整得燶面，食落啖啖肉，食材好新鮮，肯定係刺身級，下面有一件意大利黃瓜。6. 鐵板料理4選1，兩碟肉類都伴有可愛蘿蔔仔，日式芥末，黑鹽同炸蒜粒。澳洲牛柳粒一客八粒， 係半生熟，肉質非常軟腍，又有牛味，正。宮城厚切黑豚扒一塊切開8件方便食用，燒得燶面，食落外皮少少脆，入面都好嫩，豬味濃。7. 菊花豆腐白麵豉湯好大碗，入面居然有一大塊花膠，漿嘴又有花膠味，非常驚喜。仲有昆布同豆腐絲。個湯味道鹹度適中，份量好多。8. 黑松露海鮮炒飯黑松露海鮮炒飯賣相一流，一滿碗熱白飯底撈有豐富黑松露醬，面頭加上一隻燶面去殼蝦，三文魚籽，蟹籽同蔥花。食落啖啖爽脆，口感味道一流，食完應該實飽。9. 時日甜品時日甜品係黑糖燕窩柚子雪芭，有一球冰凍酸酸甜甜柚子雪芭，面頭加上好多燕窩配黑糖醬。名貴之餘又解膩，為呢餐畫上完美句號。另外叫左一份前菜。枝豆 $38 另加一暖暖枝豆面頭加上少少鹽花，質素唔錯。今餐食物質素高，鐵板燒真係好味，而菜式有心思，驚喜不斷。最欣賞呢度服務員會細心介紹每一道菜式同醬汁。今餐大大滿足！大部分位都係吧枱，可以望住師傅整鐵板燒比你。…查看更多

從前的中環蘭桂坊以酒吧林立而聞名，曾經是盛極一時的蒲點，唯近年就仿似有點息微之勢，但始終都是港島的熱點，當中仍有不少隱藏美食瑰寶，最近就造訪了一間近半年才進駐的鐵板燒店，體驗了一趟性價比晚膳。元祖店四年前於佐敦開業，其後分別在大埔和中環這些美食戰區開設分店。今次中環這分店藏身於蘭桂坊內一幢舊式商業大廈之內，裝潢以日式現代風格融合東方元素，簡約亮麗，打造出低調奢華的用餐空間。店內設有十數個吧枱座位供客人近距離觀賞師傅技藝，另有5-6 張餐枱讓食客多點私人空間，其中更可間成廂房供中小型聚餐，甚有彈性。今晚品嚐的是其中有十一品的高級廚師發辦套餐：煙三文魚沙律配魚子醬，用上有機蔬菜入饌新鮮爽脆，以煙三文魚包成卷狀，面頭放上黑魚子醬賣相簡單精緻，伴上日式蔬菜醬汁或意大利黑醋汁帶出兩種不同風味，入口清新鹹鮮豐潤。前菜三品【三色洋蔥漬】酸辛爽脆，【三文魚牛油果他他】綿密滑順，【醋漬三文魚魚鮫軟骨】酸爽開胃帶嚼勁。魚子醬溫泉蛋，溫泉蛋滑嫩如布丁，蛋香與海洋鮮味在味蕾間交融，濃郁豐盈。刺身一品 - 時令魚子醬生蠔 / 鯛魚刺身生蠔蠔肉肥美鮮甜，魚子醬吊出少許鹹鮮，滿滿的海洋風味。鯛魚刺身魚香偏清淡，軟嫩鮮味。鐵板海鮮兩品 - 慢煮鮑魚，鮑魚慢煮處理過後，再以白松露醬輕炒，軟嫩中帶嚼勁，十分入味，不用蘸上同來的龍蝦醬汁已是極致美味。日本元貝，外焦內嫩，鮮甜多汁，伴上煎香的小黃瓜片，再蘸上龍蝦醬汁，更添濃厚爽脆。白鱔，煎得皮脆肉嫩，肥美油香，最細心是師傅將所有細骨都起清，讓客人能完美享受鱔肉的豐嫩，實在十分驚喜，外邊少見。虎蝦，去殼煎香，肉質爽彈鮮美，蝦頭壓扁後煎得酥脆，連殼一齊食脆口中帶點膏香，又是另一種惹味。鐵板料理美國安格斯牛肉薄燒，薄牛肉捲著蔥蒜煎香，最震撼是師傅灒酒在鐵板燒起熊熊烈火的「表演」，可謂色香味俱全！薄燒入口肉香爆發，油脂平衡，濃香惹味。澳洲牛柳粒，簡單以鹽和胡椒調味，煎得焦香牛味濃郁，肉汁飽滿，鬆軟中帶點嚼勁，唯就個人口味而言是有少許過熟，影響了部份口感，但整體味道質素仍算不錯。菊花豆腐白麵豉湯，豆腐切成細緻菊花狀，在味噌湯中綻放，唯味噌湯汁本身偏渾濁，未能盡現菊花豆腐絲般的盛放。湯身味道豆香鮮美，拌上滑嫩豆腐更顯風味，暖心之選。🍚 黑松露海鮮炒飯，面頭鋪滿了蟹籽和三文魚籽，幸福感滿滿。炒飯炒得乾身粒粒分明，而且每粒米飯都包裹著黑松露的香氣，鹹鮮幽香，鑊氣十足。黑糖燕窩柚子雪芭，柚子雪芭清新酸甜，柚子香十分突出，加上以黑糖熬煮過的矜貴燕窩增添奢華感，清新滋潤，為盛宴畫上了完美的句號。整餐出品質素到位，部分菜式更是十分有驚喜，就好像慢煮鮑魚做得口感十分Q嫩，最重要是從來未嚐過連鮑魚心都如此入味的煮法！而白鱔更是一絕，平時因為細骨多而少吃鱔類，師傅竟然細心到連毫釐的細骨都全部挑出，就算在以匠人本色馳名的日本也未曾遇過，實在抵讚！而且小店環境舒適，店員招呼親切有禮，每道菜都會為客人講解其獨到之處，十分專業。以$688的價位能品嘗到如此高品質的鐵板料理，可謂物超所值，CP值有夠高，難怪經常爆滿，值得一試。…查看更多

龍亭中環蘭桂坊15-16號協興大廈5樓經開中環，老友推介高質鐵板燒，環境舒適，食材新鮮，果然冇介紹錯。😽高級廚師發辦套餐 (十一道菜)招牌沙律配料有煙三文魚、新鮮沙律菜、松露魚子醬、龍珠果和車厘茄，加黑醋提升層次，好開胃！😋魚子醬蘭王溫泉蛋將蘭王溫泉蛋和配料攪勻，全部配料放入口中，又香又滑，好味道！😺鯛魚刺身口感鬆軟，鮮味十足，加醬油和 wasabi 效果更佳。😉海鮮鐵板燒白鰻魚和虎蝦即叫即製，處理得恰到好處，秘製龍蝦醬好惹味，鰻魚口感煙韌，虎蝦爽口彈牙，大滿足！😻澳洲牛柳粒香氣四溢，肉汁豐富，口感煙韌，肉味香濃，配炸蒜、竹炭鹽和即磨 wasabi，必食！😍菊花豆腐白麵豉湯麵豉湯底鮮甜，豆腐香滑，海帶爽口，趁熱飲好正！😁黑松露海鮮炒飯黑松露香氣慢慢滲出，炒得好勻循，配料有三文魚子、飛魚子和虎蝦，好正呀！🤤時日甜品檸檬雪葩甜度適中，又香又滑，果肉香甜， So sweet。💖龍亭 親民 Omakase，大廚用心製作，食材新鮮高質，侍應服務態度好，生日聚會正，回頭率高。😎🤘…查看更多

龍庭鐵板燒女朋友生日，食好啲是必須的！裝修全部都用木色裝修，一入嚟就感受到日式風格！望住師傅喺鐵板上面燒，絕對係色香味俱全！前菜都好仔細三文魚牛油果他他三文魚頭魚鮫軟骨第一次食三文魚頭價位軟骨非常爽口，好似食緊海蜇咁！洋蔥漬鯛魚刺身作為第一道菜，最適合味蕾未受污染時感受魚肉的鮮味！三文魚沙律卷有粒龍珠果同埋意大利黑醋是很清新的前菜沙律白松露魚子醬蘭王溫泉蛋估唔到配上蘭王蛋溫泉蛋的黑松露味道是這麼突出！鐵板海鮮兩品（慢煮鮑魚/日本元貝/白鰻/虎蝦）鐵板燒虎蝦燒得爽口彈牙！而且好鮮甜😍帶子點上蝦膏醬味道特別突出！鮑魚醬油味吸收晒！爽口彈牙！口感和味道都是極致的鮑魚！燒白鱔，個人認為係最好食的海鮮，因為厚切的鰻魚特別彈牙爽口，鐵板燒澳洲牛柳粒牛柳粒仲上澳洲靚牛，師傅一邊燒，已經聞到非常香牛肉味！加少量竹炭鹽，牛肉提鮮！美國安格斯牛肉薄焼巻安格斯牛肉油脂更重，顯得肉味更香濃，加上包著炸蒜頭是更能帶出牛肉的香味！甘濃梅酒除咗露營必須酒之外，食鐵板燒都叫酒精，未婚的狀態讓我們食飯食得更開懷！將都市壓力完全忘了最後上咗個黑松露炒飯魚子同蟹籽多都唔使錢，黑松露非常豐富！淡淡黑松露味！花膠麵豉湯有花膠將成個味道提升咗幾個層次柚子雪芭柚子味清香，唔會太甜，雪葩質感柔軟，是一個完美的句號！仲有粒粒師傅燒鐵板，超級浮誇，全場尖叫🤣生日嚟呢度慶祝超氣氛😎…查看更多

前排先和朋友食過鐵板燒，佢咁快又心癮起。今次就和佢去左依間龍亭，見做緊特價好似幾抵，一於試下。餐廳環境優雅，坐在吧台可以一邊欣賞廚師的烹飪過程，食物的味道也不錯。高級廚師發辦套餐 $688/位招牌沙律煙三文魚包住新鮮爽脆的沙律菜，配黑醋汁美味。魚子醬蘭王溫泉蛋蘭王蛋入口滑溜，配上魚子醬，感覺十分矜貴。前菜漬物醬油漬三文魚頭軟骨口感爽脆，配昆布柚子醋汁，鹹酸開胃。刺身兩品鯛魚刺身鮮甜爽口，時令生蠔肥美有海水味。鐵板海鮮兩品慢煮鮑魚爽口彈牙，日本元貝大粒鮮甜，燒白鰻魚肉結實爽口，魚皮香脆，魚油四溢。虎蝦彈牙鮮味，配上龍蝦汁，更加鮮美。鐵板料理美國安格斯燒牛肉薄燒卷口感軟腍，配蔥花和炸蒜，層次分明，充滿蒜香和油脂香，加點竹炭鹽提味，牛味更加突出。此外，厚切的澳洲牛柳粒也十分美味，啖啖肉，牛味濃郁。菊花豆腐白麵豉湯味噌海帶湯底味道清清地，有花膠加持，滋補養生。黑松露海鮮炒飯炒飯粒粒分明，帶有焦香和黑松露味，佈滿蟹籽和三文魚籽，口感卜卜脆，鹹鮮惹味。柚子雪葩雪葩口感細緻，好清香柚子味。…查看更多

最近同朋友去左呢間鐵板燒慶祝生日，今期主題係海膽龍蝦！將海膽元素貫穿每一道菜而唔會令人覺得膩，大推！前菜熟成三文魚蓉牛油果他他/三文魚軟骨海草昆布/醃酸甘蔥三文魚牛油果他他：口感綿密三文魚軟骨海草昆布：口感爽脆，好似食海蜇咁，微酸開胃醃酸甘蔥：醒神開胃，係坊間少見既前菜。煙燻挪威三文魚有機沙律菜卷煙燻香氣突出，配上新鮮沙律菜，好夾！墨西哥海膽玉子豆腐配醬油三文魚籽海膽嘅鮮甜同滑溜嘅玉子豆腐完美融合，三文魚籽爆開嘅鹹鮮更提升味道。加拿大海膽半法國黑魚子醬生蠔伴蝶豆花泡泡生蠔肥美creamy，海膽鮮甜，加上黑魚子醬嘅鹹香同蝶豆花泡泡嘅夢幻感，打卡一流！白松露魚子醬蘭王溫泉蛋所有食材撈勻後食每啖都充滿白松露同蛋香，配上青瓜絲，清新淡雅，口感豐富！北海道海膽燒半熟帶子+紫海膽燒溏心鮑魚帶子燒至半熟，口感軟嫩；鮑魚彈牙帶嚼勁！配搭特製龍蝦醬，鮮味昇華！秘製海膽醬燒澳洲龍蝦龍蝦肉彈牙爽甜，秘製海膽醬濃郁得嚟唔會蓋過龍蝦鮮味。澳洲海膽配松本A5和牛薄燒和牛油脂甘香，卷住爽脆蔥粒同蒜片，再配埋澳洲海膽一齊食，油潤鮮甜，口感豐富！加拿大海膽黑松露炒飯黑松露炒飯粒粒分明，鐵板香氣同黑松露香將炒飯昇華，和牛脂香噴噴，面頭仲有海膽、大蝦彈牙，蟹子同爆漿三文魚子鋪面，口感豐富，超滿足😌昆布豆腐花膠味增湯鮮甜暖胃，用料十足。海膽柚子雪葩配黑糖燕窩柚子雪葩清新解膩，同海膽鹹香出奇地夾，再加上黑糖燕窩，為呢餐畫上完美句號。呢餐鐵板燒好高質，食得出師傅對食材配搭既心思，絕對係紀念日或犒賞自己嘅好選擇！…查看更多

• • 龍亭（中環）• •一個平日晚上同友人去試佢嘅十一品Delux Set ($688/1) 中環店燈光柔和，環境舒適，吧檯滿座。< 前菜漬物 >店員細心介紹content同享用順序，先牛油果三文魚他他、再另外的三文魚面珠墩、洋蔥漬。特別想提面珠墩肉，對我地黎講都好新鮮，加上漬海帶，口感爽，似食海蜇頭🪼，得意。< 煙三文魚黑松露沙律卷 >煙三文魚包沙律菜配黑醋汁，挺身脆口，非常fresh。喜歡伴碟酸甜嘅龍珠果🐉。< 刺身🐟🦪 >鯛魚刺身，正常發揮；生蠔，特製嘅蝶豆花海鹽泡泡帶出鮮味蠔B鮮味。< 魚子醬蘭王溫泉蛋 >蘭王蛋🥚基本都係保證，令配松露油淋上嘅青瓜絲加一小勺魚子醬，一啖豐富濃郁又互相協調無衝突嘅味道，第一次亦覺得好應該有下次。< 海鮮：慢煮鮑魚、日本元貝、白鰻、虎蝦>鮑魚有𡁻頭，炒香嘅蒜粒好夾✨元貝生熟恰度好處；白鰻好讚，皮煎得香脆，稍稍油香同彈牙魚肉夾埋，口感味道都令人滿足。我地最鐘意佢嘅秘製龍蝦汁🦞，虎蝦點呢個汁，非常惹味。< 肉類：澳洲一口牛柳粒、安格斯薄牛卷 >我地試嗮牛🐮，Medium嘅牛柳粒點炸蒜最惹味，另點碟邊嘅芥末、黑鹽都各有風味。薄牛卷牛味十足，如果仍保留到啲濕度會更理想。< 金龍梅酒 $93/ 支 >🥃 有次試過覺得不錯，今次翻啅都覺得好夾鐵板燒嘅氣氛。< 黑松露海鮮炒飯 >有次食鐵板友人最愛就係當中嘅炒飯，今次都頗有期待。海鮮係虎蝦、魚子，大方咁厚厚鋪面😋 itadakimasu! 呢碗炒飯做到基本嘅粒粒分明，黑松露摻混嗮係碗飯入面，味道有所昇華。< 菊花豆腐白味噌湯 >菊花豆腐，果然有雕工，湯入面仲有塊花膠😳 感覺養生。< 甜品：黑糖柚子燕窩雪葩 >甜得黎唔漏🍨 有被佢地嘅 mix & match impress 到下，完美句點。同場有兩枱生日，巨型煙花蠟燭🎇，氣氛十足，I的😸同友人側邊睇得幾開心。…查看更多

好味 #晚餐 分享 ～ 日本菜廚師發辦鍾意食廚師發辦食材新鮮，精緻，高質食材配搭每道菜店員都會介紹是什麽食材，來自那，甚麼醬料，點樣食法，先後次序……每次都有新鮮感叫了2位高級廚師發辦套餐(十一品)~招牌沙律煙三文魚包着羽衣甘藍及沙律菜放上魚子醬配了黑醋汁最後食龍珠果和番茄仔解油膩~前菜漬物先食中間的三文魚牛油果他他再食第一碟魚鮫軟骨海帶最後食洋蔥嘖物~魚子醬蘭王黃溫泉蛋魚子醬及蛋，配搭食用花，青瓜絲，拌勻食清爽好味，蛋味香濃好滑，完全無腥味~刺身一品鯛魚刺身鯛魚刺身清甜味美，肉質緊實彈口，先將少少芥末點在魚肉上，再點少少醬油一起食用鐵板海鮮兩品~慢煮鮑魚鮑魚慢煮了48小時，口感淋得來好爽口，不是煙韌嗰種，加埋醬汁更入味~虎蝦虎蝦燒得好香，肉質新鮮彈牙很肥美鐵板料理~澳洲牛柳粒上枱時，已香氣十足，好大粒厚肉，鐵板燒得好靚，我叫7成熟，入面粉嫩，牛肉味香，不用點醬汁也非常美味~美國安格斯牛肉薄燒卷香味濃郁、鮮嫩多汁，靚油花，牛油燒得更香口美味~菊花豆腐白面豉湯有淡淡菊花香味，比一般面豉湯較清香，配搭塊花膠更高檔了~黑松露海鮮炒飯炒飯好香，舖上滿滿的三文魚子和飛魚子,加埋原隻新鮮爽口大蝦，口感多重層次，又鮮味，每啖都真有幸福感覺，的確好滿足~是日甜品紅糖柚子雪芭加一服務1514/人 中環蘭桂坊龍亭…查看更多

今日Happy Friday同老公嚟到中環「龍亭」食鐵板燒，遲咗book枱，冇得坐吧枱。這次品嚐的十一品套餐$688一位，性價比極高，每一道菜都展現出廚師的匠心和對食材的極致追求，令人回味無窮。招牌沙律以煙三文魚包裹着新鮮蔬菜搭配特製醬汁，清爽可口。前菜兩款（漬物）醃製得恰到好處。魚子醬蘭王溫泉蛋。蘭王蛋的濃郁蛋香與魚子醬的鹹鮮完美融合，口感滑嫩細膩，層次豐富。鯛魚刺身鯛魚刺身切片薄如蟬翼，口感鮮甜。時令魚子醬生蠔生蠔飽滿多汁，搭配魚子醬的點綴，更顯奢華與風味。鐵板海鮮兩品鮑魚經過慢煮處理，軟嫩彈牙。日本元貝鮮甜多汁。虎蝦則肉質緊實，每一口都充滿海洋的鮮美。澳洲牛柳粒肉質極佳，牛柳粒外焦內嫩，肉汁豐盈，可以配搭竹炭鹽或者Wasabi一齊食。美國安格斯牛肉薄燒卷薄燒卷則包裹著香蒜香蔥，口感豐富，牛肉的香氣在口中久久不散。菊花豆腐白麵豉湯是一道視覺與味覺的雙重享受。豆腐切成細絲如菊花般綻放，白麵豉湯溫潤醇厚，仲有厚花膠，暖胃又暖心。黑松露海鮮炒飯勁多蟹籽鋪滿，加上魚子同埋大蝦，呢個飯超吸引，而且香氣撲鼻，黑松露均勻沾滿每粒米飯，米飯粒粒分明，每一口都讓人感受到廚師的用心與技巧。時日甜品柚子味雪葩甜度恰到好處，口感細膩，令人滿足又意猶未盡。…查看更多

♡ 中環鐵板燒廚師發辦｜龍亭 ♡-最近有一間鐵板燒廚師發辦勁抵食🫰❗️即刻帶埋啲朋友仔去試吓～～ 果然冇令我哋失望😍-♡ 前菜 ♡ 中間 熟成三文魚蓉牛油果他他三文魚蓉配上滑順牛油果出奇地夾，口感綿密，層次豐富。右手 甘蔥 酸酸味味帶微辛甜味 😌醒神開胃，都係坊間少見既前菜。左手 三文魚軟骨海草昆布 昆布同軟骨同樣脆口，配搭上黎有雙重享受😋微酸調味同樣都好開胃- ♡ 加拿大海膽半法國黑魚子醬生蠔 ♡ 面頭係可供食用既蝶豆花，檸檬汁臍上連食用花即食，作為頭盤清新開胃，海膽Creamy而且黑魚子醬夠香濃🦪-♡ 鐵板頂級鵝肝忌廉蛋白mousse菠蘿雪葩 ♡ 鵝肝勁大塊厚身，而鵝肝本身已由廚師做過調味，中間個層係蛋白mousse，mousse上面個層就係清新既菠蘿汁，可以減少油膩感覺，旁邊同樣配上食用花同竹炭鹽。-♡ 鐵板澳洲龍蝦配鮑魚 ♡ 側邊有炸蒜同龍蝦汁，先食龍蝦再食鮑魚，龍蝦爽彈入味，本身鮮味已經好夠，而鐵板香味都好出，鮑魚慢煮48小時，軟糯口感容易入口，低溫慢煮可以極大程度保留柔軟口感同鮮味。-♡ 鐵板韓牛薄燒 配 櫻桃Wasabi脆蒜 ♡ 韓牛薄燒肉質細嫩多汁，鐵板煎香後外焦內嫩，櫻桃吸油解肥膩脆蒜可以增添香脆口感。-♡ 燉湯 ♡ 昆布提鮮，嫩滑豆腐絲再配搭，仲有鮮甜飽滿彈牙既帶子肉。-♡ 鐵板海鮮炒飯 ♡ 鐵板快炒既炒飯粒粒分明，大蝦彈牙，另外仲有蟹子同爆漿既三文魚子鋪面，鐵板炒出既香氣同黑松露香簡直將成個炒飯昇華，成個飯都脆卜卜、香噴噴。-♡ 鐵板北海道元貝脆蒜龍蝦汁 ♡ 北海道元貝厚實鮮甜，牛油煎至表面微焦，焦香香氣撲鼻，而且入口唔會韌。-♡ 鐵板澳洲和牛牛舌 ♡ 厚切牛舌少少Wasabi同粗鹽提味已經好足夠，食落口完全唔覺得油膩，係成晚最滿足既一道菜。-♡ 柚子雪葩 ♡ 清新爽甜，解滯解油膩。入面仲有果肉添～-❥#⇢店鋪資料：龍亭 (中環)中環蘭桂坊15-16號協興大廈5樓## 🔍尋找同區美食📍➾ #礦泥黃X中環-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南…查看更多

之前上網成日見到人哋食呢一間龍亭今日終於嚟試吓前菜係三文魚包住沙律菜再加三小碟酸酸甜甜嘅前菜，我覺得佢嗰個軟骨十分之出色主菜我食咗佢嘅雞腿 都好嫩滑同埋個皮真係非常之脆真心認為佢嘅白鱔燒得十分之出色🩷佢嘅醬係潔身甜甜地嘅有少少味醂感覺 白鱔配呢一個像真心一百分完美 皮燒得十分之脆，而且佢係厚身嗰種脆嗰個口感好豐富而佢嘅肉質係好新鮮，因為佢食得出係特別彈牙最後仲有值得一讚嘅靈魂海膽蟹籽黑松露炒飯 呢一個完結，我覺得安排得好好！😍…查看更多

餐廳環境舒適， 木質裝潢和柔和的燈光，讓整個空間感覺既溫暖又放鬆。 有板前位可以近距離睇師傅即場製作料理，充滿咗日式風情 我哋叫咗高級廚師發板套餐 食物種類都多 海鮮同肉類又可以自己揀， 唔錯 招牌沙律 三文魚包住新鮮生菜， 清爽可口，完美開胃 魚子生蠔 生蠔肥滿滑溜，魚子醬加持下味道層次豐富 鯛魚刺身 肉質鮮嫩， 味道鮮美 魚子醬溫泉蘭王蛋 流心蛋配魚子醬，口感絲滑高級 鐵板慢煮鮑魚 鮑魚軟腍入味， 慢煮手法令肉質更加軟嫩 鐵板虎蝦 虎蝦肉質鮮甜，鐵板火烤令外皮微脆 安格斯牛肉薄燒卷 牛肉薄燒香氣四溢， 入口化開，配料豐富滋味 澳洲牛柳粒 嫩滑多汁，煎得恰到好處，食落滿口肉香 黑松露海鮮炒飯 炒飯粒粒分明，黑松露的香氣濃郁…查看更多

呢餐鐵板燒真係令人回味無窮，由頭盤到甜品，每一道菜都充滿心思同層次感，同埋擺盤都好靚🥰頭盤超精緻，由洋蔥漬物到三文魚牛油果他他都別具心思😋🥗 招牌沙律以煙三文魚捲住元朗本地有機沙律菜，清新爽口，煙燻味同菜嘅鮮甜互相襯托，仲配埋秘製嘅醬汁係個完美嘅開始😍接住落嚟嘅魚子醬蘭王溫泉蛋，蛋汁超香配埋有白松露嘅幽香，魚子醬爆汁，口感層次豐富🥰🦪時令魚子醬生蠔就係鮮味嘅極致，蠔肉肥美，三文魚籽鹹香，一啖落去，海洋味道即刻喺口腔爆開，上面仲配上豆蔻嘅泡沫，係一個視覺同口感嘅享受👍🏻🦐鐵板海鮮，我地揀左慢煮鮑魚配虎蝦，仲有日本元貝同白鰻，鮮味爆棚，口感層次極高🤤🥩 澳洲牛柳粒肉質嫩滑，肉汁豐富，每一啖都充滿牛味😋煮得岩岩好，配埋秘製龍蝦汁一齊食仲更加香🥰🍚 黑松露海鮮炒飯，飯粒分明，海鮮鮮味十足，加埋黑松露嘅香氣，令人好想食多幾碗🤤上面仲有滿滿嘅飛魚籽同三文魚籽配埋大蝦😍🤤菊花豆腐白麵豉湯加入花膠，湯底清甜，豆腐滑溜，飲落超滋潤🥰🍧 最後以柚子雪芭作結，酸甜清爽配埋一支桃味日本汽水，好香果味，甜度剛好😍…查看更多

鐵板海鮮二品我揀咗日本元貝同虎蝦，日本元貝好鮮甜，肉質嫩滑好juice，虎蝦煎得好香口，蝦肉爽口彈牙。另外兩款海鮮揀咗白鰻同慢煮鮑魚，海鮮好新鮮鮑魚好淋，肉質好彈牙，仲有啲蒜粒食落好惹味，白鰻好有驚喜食落爽口彈牙，煎到外脆內嫩好好食，旁邊仲有秘製龍蝦汁夾埋海鮮一齊食，突出海鮮嘅鮮味。招牌沙律煙三文魚再配上魚子醬夾埋意大利黑醋醬一齊食好開胃，旁邊粒龍珠果酸酸甜甜好好食。魚子醬蘭王溫泉蛋蛋漿混合埋魚子醬食，口感好絲滑帶點鹹香。刺身一品鯛魚刺身新鮮，肉質爽口。時令魚子醬生蠔法國生蠔新鮮，配上海鹽泡泡突出生蠔嘅鮮甜，用咗食用花同魚子做點綴。鐵板料理宮崎雞腿煎到外皮香脆，雞肉好嫩滑，一咬開好多肉汁爆出嚟好好食😋。另外一款揀咗美國安格斯牛肉薄燒卷，牛肉包住香蒜、蔥食落好香口。菊花豆腐白麵豉湯麵豉湯裏面有一絲絲豆腐好滑，湯底仲有塊花膠，吸晒湯嘅精華好入味。黑松露海鮮炒飯炒飯炒得粒粒分明好香黑松露味，三文魚子味道鹹香，仲有大量蟹子每食一啖飯都有卜卜脆嘅口感。時日甜品柚子雪芭清甜好解膩，好啱宜家夏天啲天氣食。…查看更多

前菜 季節漬物三品醋漬三色蔥三文魚蓉三文魚面頰肉配海蜇非常精緻又開胃挪威煙三文魚有機菜卷簡簡單單食到食材嘅鮮味白松露魚子醬蘭王溫泉蛋日本嘅高品質雞蛋鮮甜蛋香加上濃郁的橙紅色蛋黃刺身有鯛魚刺身和生蠔蠔上面綠色泡泡採用蝶豆花提煉而成夾埋三文魚子 肥美鮮甜鐵板海鮮鮑魚元貝配秘製龍蝦汁鮑魚慢煮了48小時 超彈牙個人好欣賞龍蝦汁 好濃郁鐵板燒肉類澳洲牛柳粒肉嫩香濃 生熟度剛剛好美國安格斯牛肉薄燒卷牛肉味好香濃包住蔥粒 炸蒜粒同食 好惹味花膠豬骨麵豉湯真材實料 飲完感覺好滋補黑松露蟹子炒飯係全晚嘅亮點就算已經好飽都係忍唔住食曬滿滿嘅魚子 口感真係冇得頂仲有一隻大蝦 蝦肉非常彈牙最後甜品以柚子雪芭作結劃上完美句號…查看更多