櫻花日本料理 (已結業)

呢間高級日本餐廳上個月開張，今日終於有機會可以去食晏。入到去成間餐廳好有日本feel，一邊喺bar枱，可以睇住師傅嘅手勢，另一邊就係餐枱位，濶落舒適，裡面仲有VIP房連鐵板燒枱，師傅可以喺房𥚃面即席烹調。叫左一個$240午餐定食，有沙律丶蒸蛋丶麵豉湯丶豚肉定食丶咖啡或者雪榚。蒸蛋夠滑，表面雖然乜都冇，但𥚃面原來有黑松露，所以第－湯匙香味撲鼻。麵匙湯裡面有一隻又滑又大嘅蜆，如果稍為冇咁咸就更加好。䐁肉連沙律菜放在一個大圓碟上抬，有好多鼓油湯汁伴碟，所以啖啖豚肉都夠曬豉油湯汁嘅味道。咖啡都夠香滑。芝麻雪榚球，上枱時仍然夠硬，所以唔駛驚好快溶，可以慢慢來享用。