影片
更多
2017-09-13
224 瀏覽
星期六下午約左好姊妹見面, 於是揾個地方high tea, 見到中環間espuma 有個 e-House tea set, 兩位只需要$228 加一, 價錢實惠, 所以就一於去試下餐廳環境不錯，我地坐喺窗口位，望到半山景, 好開揚, 感覺舒服由於tea set 2 點先有, 我地就另外叫住小食先, 焦糖單骨雞翼 ($68) , 西班牙黑毛豬火腿薯蓉 ($88), 雞翼充滿焦糖味, 甜甜地但唔會好漏, 而且細細隻,好易入口. 但個黑毛豬薯蓉就一般, 無任何醬汁, 食落去感覺太乾 到e-House tea set 啦~ 三層透明屋仔外, 有薰衣草鬆餅配鮮忌廉果醬, 鬆餅無乜特別.三層透明屋仔, 造型討好, 最啱係相機食先~ 侍應都好好, 幫我地影左好多張相~最頂層有: 甜粟米吉士撻, 五花茶凍配爆珠 (我食落覺得似菊花茶味) 紅莓芝士蛋糕, (整得最靚係呢個甜品, 粉紅色比堅尼, 仲要有我童年回憶嘅雨傘仔, 不過味道一般, 似蛋糕仔) 原粒西柚啫喱 (味道清新)第二層: 松露拿破崙(好鬆脆, 幾款甜品中最好味), 蟹子番茄螺絲粉 (有點辣, 因為太多蒜蓉), 煙三文魚米紙卷 第三
餐廳環境不錯，我地坐喺窗口位，望到半山景, 好開揚, 感覺舒服
由於tea set 2 點先有, 我地就另外叫住小食先, 焦糖單骨雞翼 ($68) , 西班牙黑毛豬火腿薯蓉 ($88), 雞翼充滿焦糖味, 甜甜地但唔會好漏, 而且細細隻,好易入口. 但個黑毛豬薯蓉就一般, 無任何醬汁, 食落去感覺太乾
到e-House tea set 啦~ 三層透明屋仔外, 有薰衣草鬆餅配鮮忌廉果醬, 鬆餅無乜特別.
三層透明屋仔, 造型討好, 最啱係相機食先~ 侍應都好好, 幫我地影左好多張相~
最頂層有: 甜粟米吉士撻, 五花茶凍配爆珠 (我食落覺得似菊花茶味) 紅莓芝士蛋糕, (整得最靚係呢個甜品, 粉紅色比堅尼, 仲要有我童年回憶嘅雨傘仔, 不過味道一般, 似蛋糕仔) 原粒西柚啫喱 (味道清新)
第二層: 松露拿破崙(好鬆脆, 幾款甜品中最好味), 蟹子番茄螺絲粉 (有點辣, 因為太多蒜蓉), 煙三文魚米紙卷
第三層: 烤蝦薄脆配牛油果莎莎醬, 粟米白汁焗青口,(味道ok, 但青口size好 迷你) 葡式蜆肉迷你法包 (個包太硬太靱)
Tea set 包2 杯普通飲品, 我地都加左$15 升級要左杯招牌水果茶, 好多款生果0係入面, 好大杯, 咁熱嘅天氣, 飲落去特別清涼, 我仲拎左插0係甜品嘅 雨傘仔放0係杯水果茶到, 好有夏日氣息呀!
題外話/補充資料：
總括黎講，食物質素OK, 環境OK, 最好係無限時, 可以同好姊妹暢談嘅好地方
(以上食評乃用戶個人意見 , 並不代表OpenRice之觀點。)
張貼
