影片
更多
2022-02-15
142 瀏覽
中環街市開張咗一段時間，但今次係我第一次喺入面嘅餐廳食！放假同老公去咗中環逛街，先去中環街市內嘅高質日本料理Wako Sake Sushi．Tap醫肚！雖然以中環街市嚟講，價錢唔算平，但刺身質素好高，份量亦足料，食得滿足！據講平日都好受附近上班族歡迎！北海丼（$398）一款有齊我三樣至愛－馬糞海膽，三文魚子及松葉蟹肉，每款都份量好多，鋪滿整個飯，師傅好慷慨！馬糞海膽好高質，每塊都完整飽滿，色澤金黃，入口超甜，幼滑豐厚，海膽控表示好滿足！三文魚子晶瑩新鮮，松葉蟹肉肉質軟滑，帶有鹹鮮！本鮪三色丼（$368）可以食到大拖羅，中拖羅及吞拿魚蓉，好幸福！大拖羅油脂最豐盈，入口即溶！中拖羅口感柔軟，魚味與油香兼備。吞拿魚蓉質感creamy帶魚脂香，三款各有特色！丼飯均配茶碗蒸，茶碗蒸嫩滑有蛋香！店員服務都好殷勤，不時主動斟茶，結帳後仲送咗利是封俾我，開心！
雖然以中環街市嚟講，價錢唔算平，但刺身質素好高，份量亦足料，食得滿足！據講平日都好受附近上班族歡迎！
北海丼（$398）
一款有齊我三樣至愛－馬糞海膽，三文魚子及松葉蟹肉，每款都份量好多，鋪滿整個飯，師傅好慷慨！馬糞海膽好高質，每塊都完整飽滿，色澤金黃，入口超甜，幼滑豐厚，海膽控表示好滿足！三文魚子晶瑩新鮮，松葉蟹肉肉質軟滑，帶有鹹鮮！
本鮪三色丼（$368）
可以食到大拖羅，中拖羅及吞拿魚蓉，好幸福！大拖羅油脂最豐盈，入口即溶！中拖羅口感柔軟，魚味與油香兼備。吞拿魚蓉質感creamy帶魚脂香，三款各有特色！
丼飯均配茶碗蒸，茶碗蒸嫩滑有蛋香！
店員服務都好殷勤，不時主動斟茶，結帳後仲送咗利是封俾我，開心！
張貼
