影片
更多
2022-03-25
367 瀏覽
立体派｜中環呢間係中環嘅拉麵店一直都好想去試😎拉麵店位於後巷，位置有少少隱蔽，不過以中環來講定價唔算進取🍜特級白湯（大）雞白湯拉麵有兩個size🐔就咁睇Menu除咗見到隻碗唔同之外，都唔太睇得出有咩分別，就叫咗個大嘅size睇吓有幾大碗，果然隻碗非常之巨型🤣上面有三大塊切到薄薄地嘅叉燒，仲有一隻糖心蛋🥚同埋一堆筍同蔥絲，黎到首先梗係要飲一啖湯試下，雞湯嘅味道都算係幾香濃😋有少少黏黏地嘅質感，而且唔怕太油或者太鹹，麵條屬於幼面，雖然面嘅硬度冇得選擇，但係都唔會煮得太淋，叉燒就係半肥瘦（其實偏肥）😂好就好在唔會煮得乾柴，而糖心蛋煮得啱啱好，蛋黃呈橙黃色，蛋香非常濃郁，蛋白就滑捋捋，啲筍上面灑上咗少少黑椒，可以蓋過筍本身嘅氣味，更加容易入口，雖然話呢個係大size，但係同其他拉麵嘅份量好似差唔多🤔九味醬油湯拉麵呢個拉麵嘅湯底聲稱用上九種醬油調製，入面有邊九種就飲唔出喇，但係的確比一般嘅醬油湯底更加有層次，唔會死鹹😌面頭同樣有啲筍且埋一堆京蔥絲，而麵條同另一碗嘅都係一樣，都係爽口彈牙嘅口感，呢碗拉麵嘅主角當然係一大舊嘅汁煮叉燒🤤五花腩比想像中更加大件，上枱嘅時候已經切好咗5大件方便食用，豬肉炆
呢間係中環嘅拉麵店一直都好想去試😎拉麵店位於後巷，位置有少少隱蔽，不過以中環來講定價唔算進取🍜
特級白湯（大）
雞白湯拉麵有兩個size🐔就咁睇Menu除咗見到隻碗唔同之外，都唔太睇得出有咩分別，就叫咗個大嘅size睇吓有幾大碗，果然隻碗非常之巨型🤣上面有三大塊切到薄薄地嘅叉燒，仲有一隻糖心蛋🥚同埋一堆筍同蔥絲，黎到首先梗係要飲一啖湯試下，雞湯嘅味道都算係幾香濃😋有少少黏黏地嘅質感，而且唔怕太油或者太鹹，麵條屬於幼面，雖然面嘅硬度冇得選擇，但係都唔會煮得太淋，叉燒就係半肥瘦（其實偏肥）😂好就好在唔會煮得乾柴，而糖心蛋煮得啱啱好，蛋黃呈橙黃色，蛋香非常濃郁，蛋白就滑捋捋，啲筍上面灑上咗少少黑椒，可以蓋過筍本身嘅氣味，更加容易入口，雖然話呢個係大size，但係同其他拉麵嘅份量好似差唔多🤔
九味醬油湯拉麵
呢個拉麵嘅湯底聲稱用上九種醬油調製，入面有邊九種就飲唔出喇，但係的確比一般嘅醬油湯底更加有層次，唔會死鹹😌面頭同樣有啲筍且埋一堆京蔥絲，而麵條同另一碗嘅都係一樣，都係爽口彈牙嘅口感，呢碗拉麵嘅主角當然係一大舊嘅汁煮叉燒🤤五花腩比想像中更加大件，上枱嘅時候已經切好咗5大件方便食用，豬肉炆得非常軟淋入味，唔會成舊都係肥膏，連層皮都炆到化晒，啲脂肪入口即溶，十分邪惡😈加埋甜甜地嘅秘製醬汁真係會食唔停口，呢度嘅拉麵好在湯底唔會太鹹，飲晒啲湯都唔怕好口渴👍🏻
17 瀏覽
0 讚好
0 留言
9 瀏覽
0 讚好
0 留言
16 瀏覽
0 讚好
0 留言
張貼
