胡爐 (已結業)

銅鑼灣開左一間新火鍋店，仔細一睇原來是胡爐的新分店。尖沙咀總店非常吸引，而且上次一大班朋友去食所以非常熱鬧，食物選擇又多，而湯底非常精緻特別！今次同朋友兩個人黎食，叫唔到太多食物，反而食得更精細更能細味餐廳食材質素！我地先叫湯底，朋友叫左一個鮮椰青雞鍋，椰青汁香甜解熱，每口新鮮椰香，非常夏天feel！雞肉份量多雞件香嫩，湯底無想像中油膩，反而多一份清香清甜味道，湯底非常驚喜！之後我地叫左幾款食物，手打墨魚滑，墨魚打到起膠入口好彈牙，中間有墨魚鮮香，的確手打最好味！自家製韭菜餃，水餃皮非常薄，而且韭菜香味濃郁，豬肉餡和韭菜比例非常合適，入口掛上濃濃椰青和雞湯味道汁，非常滋味。自家製黃金魚皮，魚皮即食都得！黃金即是咸蛋黃，入口咸香味道非常惹味，魚皮炸得香脆完全唔覺得油膩，放入火鍋輕輕一滾，數秒後掛上濃湯，更是驚喜！自家製食物果然有味道有質素！另外朋友加點鮮准山和新鮮魚腩，魚腩好肥美好滑溜，入口每口肥美厚身魚肉，非常鮮甜，湯底更是配搭出高水準味道，魚香加上椰青，我好鐘意椰青湯底呀！