丼瀛 (已搬遷) 新店位置

情人節揀左呢間，$998二人前，諗住咁多like,應該唔會中伏啦，點知...1. 頭盤salad,呢菜唔新鮮，落左醋唔好食2. 刺身：一眼望落下已經知道唔新鮮，海膽黑黑啡啡，三文魚、tuna 一陣雪味3. 燒牛：好肯定燒左好耐，勁韌4. 黃金燒：粒帶子大粒到呢...食左都唔知，淨係知有大量芝士、荀粒5. 櫻花蝦炸豆腐：呢個算最好食同正常6. 飲品：益力多溝調味色素，點解會知用色素？因為佢擺哂出黎擠囉7. 築地七色壽司杯：呢個簡直係大佬，本身係一杯一杯上，點知佢地話冇哂杯，變左築地七色壽司丼...將全部刺身鋪係碗飯上面，個賣相真係好噁心，呢米仲要好一般，都唔知係咪珍珠米黎，仲要帶酸...無言由頭難食到尾，左右格離檯都食到黑哂面。呢間鋪如果有心想攪好佢，首先坐位唔好咁窄咁迫，我黎食成千蚊既野，你畀啲快餐既質素同環境我地做乜？第二，食物質素，唔該唔好咁差啦，一千蚊其實可以食得比你地好幾倍既日本菜。第三，情人節雖然真係好吸客，但唔係用黎畀你地清貨尾，畀少少良心出黎啦，同埋可唔可以控制下每個時段既客流，錢唔係咁賺架唔該🙇🏻‍♂️ 最後，真係畀啲like呃左