影片
更多
2018-10-25
1258 瀏覽
有朋友生日，有人提議食私房菜，於是提議果位就搵到觀塘的榮哥。因為中式私房菜通常都要預早訂，同埋無甘多人你都唔好去食，所以隊長今次都係第一次去試私房菜⋯⋯觀塘的工廠大廈都唔expect會係咩靚裝修，入到餐廳，都真係無乜裝修，有點舊酒樓果種格局添。一早訂好菜單，坐係到都係等食，先黎4個冷盤，賣相最靚一定係麻花青瓜，唔知點樣可以條條都整到脆麻花甘既樣，當然，有3個都係靠醬汁撈，味道唔會差太遠，至於燻蛋，都燻得幾香既，食到真係用茶去燻過。跟住上燉湯，料係足，不過燉得唔夠時間，飲慣阿媽老火湯既隊長覺得唔入味。至於3款海鮮，帶子水芺蓉會唔會太多水呢？筆起d蒸蛋，連埋d高湯一齊筆，好似飲緊雞蛋高湯甘；蝦碌同蒸魚都ok，蝦碌入味、蒸魚都滑。奶油南瓜盒還可以，略嫌唔夠汁食埋個麵包。燻雞就唔夠燻蛋整得甘好，燻得唔夠香，同埋好淡味。黑蒜炒飯，隊長認自己有d bias，因為我唔太鍾意食蒜頭，特別係黑mon mon既黑蒜，而且個飯唔似炒過，食落好濕⋯⋯同埋甜味過重，好奇怪。最後上生果⋯⋯我唔係expect有咩日本哈蜜瓜、美國士多啤梨呢d貴價生果，一上檯就知浸糖水浸得好緊要，仲要係雪左好耐，雪到d生果傷左果種，我
因為中式私房菜通常都要預早訂，同埋無甘多人你都唔好去食，所以隊長今次都係第一次去試私房菜⋯⋯觀塘的工廠大廈都唔expect會係咩靚裝修，入到餐廳，都真係無乜裝修，有點舊酒樓果種格局添。一早訂好菜單，坐係到都係等食，先黎4個冷盤，賣相最靚一定係麻花青瓜，唔知點樣可以條條都整到脆麻花甘既樣，當然，有3個都係靠醬汁撈，味道唔會差太遠，至於燻蛋，都燻得幾香既，食到真係用茶去燻過。
跟住上燉湯，料係足，不過燉得唔夠時間，飲慣阿媽老火湯既隊長覺得唔入味。至於3款海鮮，帶子水芺蓉會唔會太多水呢？筆起d蒸蛋，連埋d高湯一齊筆，好似飲緊雞蛋高湯甘；蝦碌同蒸魚都ok，蝦碌入味、蒸魚都滑。奶油南瓜盒還可以，略嫌唔夠汁食埋個麵包。燻雞就唔夠燻蛋整得甘好，燻得唔夠香，同埋好淡味。黑蒜炒飯，隊長認自己有d bias，因為我唔太鍾意食蒜頭，特別係黑mon mon既黑蒜，而且個飯唔似炒過，食落好濕⋯⋯同埋甜味過重，好奇怪。
最後上生果⋯⋯我唔係expect有咩日本哈蜜瓜、美國士多啤梨呢d貴價生果，一上檯就知浸糖水浸得好緊要，仲要係雪左好耐，雪到d生果傷左果種，我寧願你比d個樣無甘紅既西瓜、酸酸地既菠蘿比我食，起碼唔係食呢d糖水生果！
$348一個人都唔平，無裝修唔緊要，無服務都算⋯⋯食物質素真係唔值呢個價錢，我去其他小炒王，食物味道同質素都可以好過佢⋯⋯同埋最難受係果個公家洗手間，真心嚇死人，自問有潔癖的，記得係附近商場去左洗先好上去食。同埋離開時，因為工廠會鎖大門，一定要兜停車場出入，所以要兜大個圈先出到去，要留意呢！
張貼
