影片
更多
2017-10-29
293 瀏覽
如題，真係世紀大伏，點解呢？原因如下:首先，喺Facebook見到有專頁吹捧呢間野好食，賣相又好好，於是我今日就同朋友去試吓。下午三點，一早已經book咗位，但都等左三個字到先有得入座，以為咁爆應該都真係幾好食，睇個meun大部份野都算貴，但又真係好想試佢啲龍蝦嘅產品，於是我就叫左龍蝦pizza同忌廉咖喱烏冬加吉列牛。等既期間，我同我朋友都叫咗嘢飲，我朋友叫咗杯latte，個拉花拉到勁核突，拉花核突都算，拉花唔係重點，重點係杯latte唔係熱嘅，只係暖暖地。侍應送上餐具，餐具有跡，都算，依然期待佢食物嘅出品。終於，龍蝦pizza 10分鐘倒就送到，已經心知不妙，估計咁快送到嘅Pizza應該唔係即焗，但唔緊要好食就得。一拎上手，又係唔熱，只係微暖。一間餐廳可以連Pizza都整到係微暖，究竟係有幾冇誠意？佢係簿批，但個批底一啲都唔脆，而且上邊啲龍蝦好大浸腥味，極度唔新鮮，亦都好大浸雪藏味。個醬汁好奇怪，而其他海鮮亦都係得雪藏味而無乜其他味。我地唔想浪費，所以就算覺得咁難食都堅持食埋佢，但食到最後剩低兩塊，真係頂唔順，難食到想嘔。難食指數10/10!!!之後我同朋友就見吉列牛嚟到，轉戰吉列牛
首先，喺Facebook見到有專頁吹捧呢間野好食，賣相又好好，於是我今日就同朋友去試吓。下午三點，一早已經book咗位，但都等左三個字到先有得入座，以為咁爆應該都真係幾好食，睇個meun大部份野都算貴，但又真係好想試佢啲龍蝦嘅產品，於是我就叫左龍蝦pizza同忌廉咖喱烏冬加吉列牛。等既期間，我同我朋友都叫咗嘢飲，我朋友叫咗杯latte，個拉花拉到勁核突，拉花核突都算，拉花唔係重點，重點係杯latte唔係熱嘅，只係暖暖地。侍應送上餐具，餐具有跡，都算，依然期待佢食物嘅出品。
終於，龍蝦pizza 10分鐘倒就送到，已經心知不妙，估計咁快送到嘅Pizza應該唔係即焗，但唔緊要好食就得。一拎上手，又係唔熱，只係微暖。一間餐廳可以連Pizza都整到係微暖，究竟係有幾冇誠意？佢係簿批，但個批底一啲都唔脆，而且上邊啲龍蝦好大浸腥味，極度唔新鮮，亦都好大浸雪藏味。個醬汁好奇怪，而其他海鮮亦都係得雪藏味而無乜其他味。我地唔想浪費，所以就算覺得咁難食都堅持食埋佢，但食到最後剩低兩塊，真係頂唔順，難食到想嘔。難食指數10/10!!!
之後我同朋友就見吉列牛嚟到，轉戰吉列牛。但一上枱，見到咁熟，塊牛應該煮得幾老。我叫朋友試吓先，佢話塊牛韌到咬唔到，然後佢都夾左舊俾我叫我試吓。其實我食完個龍蝦已經唔想再食啲唔好味既野，因為個pizza真係令我無哂胃口。但係朋友不斷叫我試，於是我都食咗兩舊牛肉，一放入口真係好老又好鞋，難食指數8/10。至於個忌廉咖喱烏冬，就冇乜特別，唔算伏，但亦稱唔上好味。
3:00p.m.食埋單$400幾，但係個人認為好難食。
4 瀏覽
0 讚好
0 留言
9 瀏覽
0 讚好
0 留言
7 瀏覽
0 讚好
0 留言
張貼
