影片
更多
2022-10-13
104 瀏覽
企喺門口已經聞到好濃郁嘅藥材湯味道，勁香！今日想清清地打個邊爐，所以我哋就叫咗個姬松茸冬瓜湯底。呢個湯底真係同屋企嗰啲足料無味精湯一樣，趁火鍋配料未上嚟即刻飲啖湯先，第一啖飲落去勁清甜，即刻飲多幾碗！呢個火鍋店係私房菜嘅格局，我見到佢嘅餐牌都有唔少嘅選擇，今次我哋就叫咗幾樣佢哋店內幾受歡迎嘅食物！百花釀油條 must try將蝦滑釀落油炸鬼，一上枱仲係熱辣辣嘅，估計係啱啱廚房炸出嚟，所以就咁食都好好食好脆；另一個食法就係打邊爐，會吸收晒啲湯汁！黑豚肉片豚肉片好嫩完全唔會有渣，而且肥瘦均勻唔會覺得油膩，有啲似食緊拉麵嗰隻叉燒咁！牛三併 must try有雪花牛柳粒、特尚手切牛及本地手切牛！每款都有唔同嘅口感，雪花牛柳粒充滿油脂但唔膩亦唔會韌；而特尚及本地手切牛嘅分別係有款係入口即溶嘅感覺，另一款就係較彈牙及重牛味！呢個三併必須要叫，嗜牛者一定鍾意！鮮打四寶丸四寶丸包括有墨魚丸、蝦丸、豬肉丸及牛肉丸，款款都係手打夠晒彈牙，仲食到每粒嘅真材實料！雙拼餃子分別係木耳鮮蝦雲吞，同埋西洋菜香菇餃。前者薄皮爆多餡，後者應該放咗（馬蹄/沙葛？）令到口感爽脆！田園盛點解要特登去講佢個田園盛？因為佢就連菜
今日想清清地打個邊爐，所以我哋就叫咗個姬松茸冬瓜湯底。呢個湯底真係同屋企嗰啲足料無味精湯一樣，趁火鍋配料未上嚟即刻飲啖湯先，第一啖飲落去勁清甜，即刻飲多幾碗！
呢個火鍋店係私房菜嘅格局，我見到佢嘅餐牌都有唔少嘅選擇，今次我哋就叫咗幾樣佢哋店內幾受歡迎嘅食物！
百花釀油條 must try
將蝦滑釀落油炸鬼，一上枱仲係熱辣辣嘅，估計係啱啱廚房炸出嚟，所以就咁食都好好食好脆；另一個食法就係打邊爐，會吸收晒啲湯汁！
黑豚肉片
豚肉片好嫩完全唔會有渣，而且肥瘦均勻唔會覺得油膩，有啲似食緊拉麵嗰隻叉燒咁！
牛三併 must try
有雪花牛柳粒、特尚手切牛及本地手切牛！每款都有唔同嘅口感，雪花牛柳粒充滿油脂但唔膩亦唔會韌；而特尚及本地手切牛嘅分別係有款係入口即溶嘅感覺，另一款就係較彈牙及重牛味！呢個三併必須要叫，嗜牛者一定鍾意！
鮮打四寶丸
四寶丸包括有墨魚丸、蝦丸、豬肉丸及牛肉丸，款款都係手打夠晒彈牙，仲食到每粒嘅真材實料！
雙拼餃子
分別係木耳鮮蝦雲吞，同埋西洋菜香菇餃。
前者薄皮爆多餡，後者應該放咗（馬蹄/沙葛？）令到口感爽脆！
田園盛
點解要特登去講佢個田園盛？因為佢就連菜都咁高質！以往其他店叫蔬菜拼盤質素都好參差，但係佢呢個拼盤真係樣樣都係精選，蘿蔔粟米夠甜、蔬菜夠嫩、蕃茄夠鮮！
最後讚一讚店員既服務都好周到，周不時會主動睇下我地使唔使加湯斟水！
張貼
