麵鮮醬油房周月 (歌賦街)

營業中

休息中

米芝蓮大多數都係伏 但係明知山有虎 偏向虎山行 因為我真係好鐘意食拉麵 以前行過成日排長龍 所以一直無食 眼見最近負評累累 以為唔洗等就嚟食下 點知下午兩點幾嚟到 都係要等 幸好只係十幾分鐘😏等位期間已經諗定要食乜 拉麵沾麵都要試 因為我地兩個女仔所以無叫其他小食 ◽周月沾麵(淡汁/熱湯)◾燒黑豚拉麵(淡湯)每款麵都有得揀埋湯要濃定淡 因為見到啲負評話啲湯又油又膩又咸 所以我地都揀淡湯 其實淡湯都真係已經好夠味 亦都幾口味 我覺得係啱啱好 至少食時同食完後 我都無口乾嘅感覺 而黑豚肉燒得好香 半肥瘦 仲帶少少焦香味🤤個人好喜歡整體我係滿意嘅 我同朋友都覺得食到日本嘅感覺🙂