影片
更多
2018-01-09
34 瀏覽
做完facial，喺附近搵餐廳解決晚餐，突然醒起剛才經過嘅雲吞麵店裝修古色古香，環境整潔企理，就決定入去試試其招牌雲吞麵。店員話呢度嘅雲吞、黃金魚角及南乳豬手都係招牌，可惜只得我一人，眼闊肚窄食唔到咁多，貪心嘅我唯有雙拼，點咗雲吞魚角撈($37)。喺等緊嘅時候，留意到枱面擺咗一大樽自製醃蘿蔔，客人可以自取，夾左少少黎試，醃得酸酸甜甜，調味剛好，非常醒胃。雲吞魚角撈雲吞size剛好一粒一啖。每粒雲吞都皮薄餡靚，餡料充滿肉香，配上彈牙的鮮蝦，一啖咬落去口感非常豐富飽滿。魚角亦煮得實淨有咬口，不錯。值得一讚的是麵條口感爽滑，保留口感唔會太淋，如果湯底的大地魚味道濃一點會更完美吧。最後加一杯豆漿，就係一個簡單美好嘅晚餐啦～
店員話呢度嘅雲吞、黃金魚角及南乳豬手都係招牌，可惜只得我一人，眼闊肚窄食唔到咁多，貪心嘅我唯有雙拼，點咗雲吞魚角撈($37)。
喺等緊嘅時候，留意到枱面擺咗一大樽自製醃蘿蔔，客人可以自取，夾左少少黎試，醃得酸酸甜甜，調味剛好，非常醒胃。
雲吞魚角撈
雲吞size剛好一粒一啖。每粒雲吞都皮薄餡靚，餡料充滿肉香，配上彈牙的鮮蝦，一啖咬落去口感非常豐富飽滿。魚角亦煮得實淨有咬口，不錯。值得一讚的是麵條口感爽滑，保留口感唔會太淋，如果湯底的大地魚味道濃一點會更完美吧。
最後加一杯豆漿，就係一個簡單美好嘅晚餐啦～
張貼
