江浙滬 (堪富利士道) (已結業)

之前聽同事講話呢間野好好食，今日中午咁啱經開尖沙咀所以就同朋友來試吓，我哋四個人叫咗一共四個麵，炸銀絲卷，小籠包。野食不過不失啦，不過我哋有兩個人叫咗兩碗嫩雞煨麵，其中一碗有好多雞粒而另一碗得果幾粒。我哋之後同店員反應，佢回覆話因為佢哋廚房係一齊煮既，所以可能會唔平均😑咁樣就完左。佢完全冇話換過一碗或者補返d 雞粒比佢，我朋友就話算啦反正唔係好肚餓，就係咁佢要食一碗得幾粒雞粒既麵。除咗呢樣我覺得需要改善之外其他冇咩問題。