影片
更多
2025-05-15
1114 瀏覽
人去我又去，網上預約不難，入口神神秘秘，點曬野比埋錢（不收現金）先入場，地方比較暗，算寬敞第一次來，服務員詳細講解食法，尤其好多沾料，不過位服務員摩打咁一輪嘴，加上口齒不清，似乎唔太在乎你明唔明，讀完就機械咁笑騎騎，不過總算友善、有禮漢堡肉燒法第一輪猛火seal，第二輪慢烤。冇選項要幾多成熟，可能官方自己有標準，不過客人亦有偏好或者腸胃上需要故此同負責慢烤部份位本地師傅好有禮貌咁，請求可唔可以塊肉烤熱啲（因為地方太暗根本睇唔到入面咩色），點知位師傅即刻黑面，然後教訓話「好似牛扒咁，入面唔會好熱㗎，如果比你入面係熱既，肯定就係番熱先會咁」有求於人，又初次到，唯有猛點頭，係係係，好好好，不過唔等於真係同意佢亂up叫佢師傅已經比面，唔太相信專業廚師會淨烤漢堡肉佢上既第一輪肉，小弟果件內外都熱，家人果件試一口，明顯只暖，一定冇70C（國際安全標準），當然冇人會帶支烤肉溫度計去食野，更重要係，我哋並冇意話師傅做錯野定做得唔好，完全無批評亦無問點解，只係簡單直接請求熱啲其實有幾熱睇你要幾成熟，然後先可以叫overcook，最驚就係乾咗，你有你標準，明既，不過話入面熱就等於番熱，又over咗，原因有
第一次來，服務員詳細講解食法，尤其好多沾料，不過位服務員摩打咁一輪嘴，加上口齒不清，似乎唔太在乎你明唔明，讀完就機械咁笑騎騎，不過總算友善、有禮
漢堡肉燒法第一輪猛火seal，第二輪慢烤。冇選項要幾多成熟，可能官方自己有標準，不過客人亦有偏好或者腸胃上需要
故此同負責慢烤部份位本地師傅好有禮貌咁，請求可唔可以塊肉烤熱啲（因為地方太暗根本睇唔到入面咩色），點知位師傅即刻黑面，然後教訓話「好似牛扒咁，入面唔會好熱㗎，如果比你入面係熱既，肯定就係番熱先會咁」
有求於人，又初次到，唯有猛點頭，係係係，好好好，不過唔等於真係同意佢亂up
叫佢師傅已經比面，唔太相信專業廚師會淨烤漢堡肉
佢上既第一輪肉，小弟果件內外都熱，家人果件試一口，明顯只暖，一定冇70C（國際安全標準），當然冇人會帶支烤肉溫度計去食野，更重要係，我哋並冇意話師傅做錯野定做得唔好，完全無批評亦無問點解，只係簡單直接請求熱啲
其實有幾熱睇你要幾成熟，然後先可以叫overcook，最驚就係乾咗，你有你標準，明既，不過話入面熱就等於番熱，又over咗，原因有二
一，啲免治肉油脂含量唔少，熱些少唔會乾，真係乾會散哂，何況位師傅果部份係慢烤，佢唔好成日用個夾搞來搞去仲好
二，事實證明，位師傅有接受我哋既請求，之後幾輪既肉（包括餐外追加六件）全部都夠熱，非常油潤，多謝佢親自反證自己「入面如果熱就肯定係番熱」既偉論
講番啲肉，油脂油潤程度好好，不過真係唔係好有牛味，喜唔喜歡見人見智
好耐以前阿蘇介紹間burgers超多汁到滴水，不過係吹水ground beef，啲人一様like
無論幾多沾料，始終單一食牛肉好寡、好單調
佢哋有幾款小食，不過真係冇興趣
飯靚，不過食唔得幾多，無限添加冇關係
麵豉湯普通，冷得好快
無論佢哋點強調「應該點食」，其實最緊要自己喜歡點食就點食。旁邊有位年青人將肉丸整散曬同飯撈到完全均勻，外觀如狗飯，又如何？
正宗？飛去日本食
臨走旁邊來左兩位日本人，講日文，服務員依舊開動摩打用廣州話介紹同一堆野。場外行來行去既員工有新移民，佢既白話我勉強估到，但佢完全唔知咩係Sapporo。妙趣！
張貼
