立体派拉麵 (威靈頓街)

營業中

休息中

Bookmark咗呢間拉麵店好耐，終於經開附近去試。通常第一次幫趁，我都會試咗佢主打果款睇吓伏唔伏先😂叫咗特級白湯拉麵，上枱好大盆，先試啖湯，濃度，厚度都好平均，唔錯，但又唔算好驚艷。麵係粗麵條，幾有咬口。叉燒有三大塊，以慢煮處理，幾腍身，有啲黑胡椒喺叉燒外圍，幾好食😋溏心蛋好靚，不過可能味醂有啲重，對我嚟講唔算太鐘意。個人口味嚟講，覺得好食嘅程度未去到要刻意再幫趁，但經開都會去食嘅。環境方面，我一個人夜晚時間去食，星期五晚冇乜人，被安排坐吧枱角位，空間有啲窄嘅感覺，可能碗麵太大，但張枱細，加上坐通道旁，多員工出入，而置物籃又大，我要拉入啲怕kick到人，而另我要斜少少身坐，所以坐得得唔舒服。