影片
更多
2011-03-24
27 瀏覽
晚膳日期：04/03/2011，星期四晚，團購只能選日至四，晚上8:45開始 (6人)因細佬生日，便以$203團購價買了6張票慶祝生日，又可以試試黑松露菌自助晚餐有幾好味。晚上8:45先食飯，對我來說是很晏。通常11:00瞓的我都驚消化唔倒。裝修及環境：新穎時尚，我們座圓枱，夠哂闊落唔擠迫。座椅都幾舒適。服務：一般酒店服務質素啦，侍應生好後生好新收碟收D唔收D。食完又唔收，未食完又收咗；要好好培訓。取食物也不需排長龍。食物種類：確實不多但大多質素一般，黑松露菌似乎只是綽頭，全無特色可言。海鮮：通常是迷你海鮮版，超細隻。- 冇生蠔- 長蟹腳：ok，海水味濃。- 翡翠螺仔：完全無味，仲有小小沙。- 硯仔：細隻無乜肉、無味。(廣告說「大蜆」是騙人，只是「硯仔」)- 蝦仔：細隻麻煩，沒有試，不便品評。- 青口：一般ok 啦。- 芝士焗虎蝦：每人送一只，我沒有試，不便品評。家人說OK。- 炸瀨尿蝦：沒有供應。魚生：冇乜款，細佬最失望。三文魚：好鬼一般。甜蝦：沒有供應。吞拿魚：沒有供應。壽司：唔吸引沒有吃，不便品評。黑菌蟹籽加州飯：全無黑菌味，變成三文魚蟹籽白飯，唔掂！ 湯：豬肚湯：濃
因細佬生日，便以$203團購價買了6張票慶祝生日，又可以試試黑松露菌自助晚餐有幾好味。
晚上8:45先食飯，對我來說是很晏。通常11:00瞓的我都驚消化唔倒。
裝修及環境：新穎時尚，我們座圓枱，夠哂闊落唔擠迫。座椅都幾舒適。
服務：一般酒店服務質素啦，侍應生好後生好新收碟收D唔收D。食完又唔收，未食完又收咗；要好好培訓。取食物也不需排長龍。
食物種類：確實不多但大多質素一般，黑松露菌似乎只是綽頭，全無特色可言。
海鮮：通常是迷你海鮮版，超細隻。
- 冇生蠔
- 長蟹腳：ok，海水味濃。
- 翡翠螺仔：完全無味，仲有小小沙。
- 硯仔：細隻無乜肉、無味。(廣告說「大蜆」是騙人，只是「硯仔」)
- 蝦仔：細隻麻煩，沒有試，不便品評。
- 青口：一般ok 啦。
- 芝士焗虎蝦：每人送一只，我沒有試，不便品評。家人說OK。
- 炸瀨尿蝦：沒有供應。
魚生：冇乜款，細佬最失望。
三文魚：好鬼一般。
甜蝦：沒有供應。
吞拿魚：沒有供應。
壽司：唔吸引沒有吃，不便品評。
黑菌蟹籽加州飯：全無黑菌味，變成三文魚蟹籽白飯，唔掂！
湯：
豬肚湯：濃，但湯實在太普通。
西湯是白湯：沒有喝，不便品評。
蘋果燉湯：最甜，最好味。
黑菌水蟹粥：全無黑菌味，水蟹粥好甜。唔錯但好快冇。
冷盤：
沙律：一般貨色，沙律菜加黑松露醬，都係無黑菌味，冇火箭菜。
凍肉：有好一般的火煺片及salami，沒有pama ham。
煙三文魚：一般貨色。
芝士：得一款，好一般，只配一包包的餅，好求其。
熱盤：
黑松露醬烤牛仔骨：唔吸引沒有吃，不便品評。
黑菌醬燒龍脷魚：龍脷魚OK，食完都唔覺有黑菌醬。
鵝肝黑菌茸蒸蛋白：蛋白夠滑，鵝肝都Good，都唔覺有黑菌。有encore。
燒鴨胸配黑菌燒汁：唔吸引沒有吃，不便品評。
BBQ燒羊架：好味唔鞋，得。
西冷牛扒： OK啦。
甜品：種類多。
黑菌疏乎厘：未見過出現。(廣告話有lor。)
Haagen Daz 雪糕：只得朱古力味雪糕
有提供Dryers雪糕及牛奶公司雪糕。
芒果拿破崙：唔掂，同8度酒店爭好遠。酥皮多芒果少，冇乜吉士。
芒果布甸：細細杯ok。芒果唔夠，得芒汁冇芒粒。
椰汁布甸：好正，椰汁味濃。
麵包布甸：配custard好味，ok。
芝士餅：一般。
焦糖燉蛋：ok。
pancake：層皮好味，但罐頭cherry唔配。
豆腐花：冇供應。
6個人共食咗$1218、每人$203全包 (團購價)
論價錢：一分錢一分貨，團購價$203冇著數，只是將貨就價，下次不會再來，亦不會推薦給朋友！
評心而論：冇話好唔好，只不過之前在其他餐廳購買的團購餐券真是用正價貨，賣推廣價，貨真價實，真的有優惠，真的抵食。
而這次我肯定如以原價$406買$203貨，必趕客。
我會情願選擇加錢去8度酒店。
張貼