菊月町 (已搬遷) 新店位置

好耐之前經過菊月町，上次WALK IN 無位食，咁岩屋企人生日，就預約食呢間鐵板燒，我地叫左兩份2人餐，同埋一份活赤貝刺身。首先待應是先送上沙律及麵鼓湯，我地先試左活赤貝刺身，非常新鮮，值得一試!第一道是燒蠔，每人有兩隻，其中一隻有點腥，另外一隻是可以的。第二道是燒銀雪魚，每人有一塊魚，但略嫌魚不較滑，比較普通。第三道是燒鵝肝配多士，配菜有菇及黃色翠玉瓜，但燒鵝肝好油，有塊多士吸油，但吸左，都仲係好多油。第四道是薄切牛夾蒜及蔥，牛肉少少鞋，師傅係雪櫃即時拎出黎，懷疑解凍時間唔夠，又有少少雪味。第五道是炒飯，但好淡，無炒飯既獲氣!我地最欣賞是活赤貝刺身，鐵板燒不過不失!