名代宇奈備長炭燒鰻魚飯專門店 (iSQUARE國際廣場) (已結業)

上星期發現呢間鰻魚專門店即將試業，所以約了親愛的朋友一齊試下。今日係星期五，六點半黎到已經排曬長龍，最後等左個半鐘先有得食。等待既時候發現，其實座位並冇坐滿，唔知係咪因爲店員或廚房應接不暇，所以任由外面食客繼續排隊，都唔安排食客坐低等。一坐低，感覺好似黎左港式快餐店，枱面係冇匙羹提供，要問職員拎先有。送來既匙羹同枱面都幾污糟，要自己再清潔。我地叫左最貴果樣整長鰻魚乜乜乜（$258 唔記得個名），鰻魚都幾飽滿，食落係好軟身，冇燒過既口感，一點脆邊感覺都冇。另外叫左個鰻魚玉子，口味偏淡。最後試下個鰻魚天婦羅，幾有趣。其實你可以當佢係一間普通既快餐店，唔好期待太高。