滿屋日本料理 (已結業)

好耐未試過一家人咁唔滿意嘅餐廳，食物差，衛生差，服務差！ 今日本來同一家人開開心心咁去食放題，諗住食早啲（5：30至7：30有85折）之後去行街。點知賴嘢！早左10分鐘上去，佢同你講唔俾入，系出邊等下先。0k無問題，因為我早咗，但係一入到去，我估唔到今日啲嘢咁差。 食物方面，今日D三文魚好似無咁新鮮，熱食個D師傅今日好似重手咗超鹹。 衛生方面，咁唔好彩比我係廁所旁邊的後樓梯見到D人抽🚬，抽🚬對我來講好正常，但係個D人有部份都帶著廚房手套，唔好同我講抽完入去開工會換對新手套呀嘛！ 最後服務態度，超差。第一，我從來未試過食一個鐘頭就叫你先埋單。埋單都冇問題，但係唔係講明有八五折嘅咩，點解張單無八五折，叫個服務員過嚟改單，佢塊面好似食咗屎咁黑。第二，我從來未試過食放題個服務員提前45分鐘同你講last order,仲好似逼你快啲點唔點就無得食。但係最搞笑就係我哋嗰張last order 七點半前食物都係黎唔到無得食。