影片
更多
2016-11-29
1585 瀏覽
記得之前去京都嵐山，永遠難忘小火車沿途的美景，望出火車外，一片紅海，紅紅的楓葉為冷冷的天氣帶來一鼓暖暖的感覺還有那茂盛的竹路，滿滿的竹高得將所有人包圍，置身其中，頓時想起兒時的一篇課文 - 竹林深處人家一切一切，美得像置身愛麗斯夢遊仙景今次到訪的嵐山，雖然不在日本，亦不是用美景來俘虜你，但以食物同樣可以得到我的心一進店見到可以揀吧枱坐，既然可以一路食一路睇師父表演，我地當然唔會放過呢個機會，吧枱上放滿不同的魚生，我地就坐係度慢慢揀邊款新鮮吸引啦餐廳用上電子平板來點食物，食物選擇十分之多，手指不停撥都未到盡頭，令我們花多眼亂，另外仲有特別推介之食物，這裡完全可以將日本大部份食物帶俾你前菜先來一個前菜，由右起分別係牛蒡、海蜇、三文魚頭軟骨，當中最特別的是三文魚頭軟骨，開頭我都唔知係三文魚頭軟骨，我地各自食左第一舊之後，覺得味道不錯又有口感，都估唔到係咩，我忍唔住請教師父先知道，連前菜食材都咁刁鑽油甘魚刺身($68)、中拖羅刺身($138)還記得在黑門市場那盤大拖羅刺身，那鼓入口即溶的油脂到而家仲記得好清楚，既然呢度有拖羅食，我地當然唔會放過，中拖羅無大拖羅咁多油脂，但同樣入口完全無筋，油脂
記得之前去京都嵐山，永遠難忘小火車沿途的美景，望出火車外，一片紅海，紅紅的楓葉為冷冷的天氣帶來一鼓暖暖的感覺還有那茂盛的竹路，滿滿的竹高得將所有人包圍，置身其中，頓時想起兒時的一篇課文 - 竹林深處人家
一切一切，美得像置身愛麗斯夢遊仙景
今次到訪的嵐山，雖然不在日本，亦不是用美景來俘虜你，但以食物同樣可以得到我的心
一進店見到可以揀吧枱坐，既然可以一路食一路睇師父表演，我地當然唔會放過呢個機會，吧枱上放滿不同的魚生，我地就坐係度慢慢揀邊款新鮮吸引啦
餐廳用上電子平板來點食物，食物選擇十分之多，手指不停撥都未到盡頭，令我們花多眼亂，另外仲有特別推介之食物，這裡完全可以將日本大部份食物帶俾你
前菜先來一個前菜，由右起分別係牛蒡、海蜇、三文魚頭軟骨，當中最特別的是三文魚頭軟骨，開頭我都唔知係三文魚頭軟骨，我地各自食左第一舊之後，覺得味道不錯又有口感，都估唔到係咩，我忍唔住請教師父先知道，連前菜食材都咁刁鑽
油甘魚刺身($68)、中拖羅刺身($138)還記得在黑門市場那盤大拖羅刺身，那鼓入口即溶的油脂到而家仲記得好清楚，既然呢度有拖羅食，我地當然唔會放過，中拖羅無大拖羅咁多油脂，但同樣入口完全無筋，油脂適中，上盛之作
油甘魚刺身亦同樣出色，厚切令其更有口感，好耐無試過係香港食到咁高質的刺身，大滿足呀
沙甸魚刺身($128)再來一客沙甸魚刺身，淨係拖羅同油甘魚點可以滿足到我地 我地一路睇住師父係我地前面將魚起骨，沙甸魚係有好多細骨的，師父好細心用鉗慢慢續條去除，好需要耐性同專注力要高
將切到細細的沙甸魚件包住紫菜食，同就咁食肥美的刺食又係另一種感覺，紫菜最怕淋了那種，這裡是脆脆的，最合我意
鯖魚壽司、象拔蚌壽司、三文魚籽壽司 ($276)經過之前一輪刺身後，我對呢間餐廳提供的魚生質素十分有信心，今次主要睇下壽司飯的表現
鯖魚、象拔蚌、三文魚籽同樣地十分新鮮，壽司飯大小剛好，唔會夾起就散，有淡淡壽司醋味而又唔會蓋過魚生的鮮味，反而更相輔相成
牛肉鍋 ($118)食左咁多冷盤，都要食番個熱食，呢個牛肉鍋好大鍋，有金菇、旺菜、皇帝菜、溫泉蛋、嗚門卷、溫泉蛋，材料豐富，兩人分剛剛好
牛肉上枱時仲係淡淡的粉紅色，用湯的熱度將餘下的煮熟，咁就可以確保牛肉唔會因為過熟而變得又老又韌
喜歡牛肉鍋個湯底甜甜的，將中間的溫泉蛋拌入湯底更錦上添花
呢餐實在十分滿意，不負嵐山之名!
張貼
