洪廚 (已結業)

上星期因工作關係經過西環,在中午時分試過一間很有水準的小炒店,於是便相約一班朋友在尋晚到這店食晚飯.這店就是"洪廚",在西環第一街(縉城峰對面)入到餐廳覺得裝潢很中國風,看來老闆花了不少心機.看過上一位食家的食評,我們便order了一窩藥膳雞湯.如上一位食家所講材料十足,值得一試!飲完湯就黎碟口水雞,雞肉好滑,味道適中(辣D會更好,因為本人食得辣)黎完口水雞,又點少得水煮魚.我們點了大辣,終於感受到麻辣的味道.入面仲有山根及豬紅,山根就吸收晒裡面的精華,豬紅就跟在台灣鼎王食麻辣鍋的鴨血差不多.刺激完各人的味覺後,就來了一碟清炒菜芯.再黎一個招牌風味咖喱炒蟹.咖喱汁做得非常好,好香.烤餅撈汁真係一流,隻蟹好肥美兼多羔.干焗肥腸,味道不錯,不過我怕肥,只係食左少少.之後再黎個甜酸咕嚕肉,不會太甜太酸.掛住食既我忘記了影相.最後黎個芝士蝦球炒麵,芝士汁不會太咸,可惜我已經好飽,食得不多.總括黎講食物水準不錯,服務員招呼很好,裝修很有特色,各朋友都食得好滿意!美中不足係無王老吉提供,我在大陸食四川野時都習慣飲王老吉的.