影片
更多
2020-01-17
59 瀏覽
最近有朋友講起尖沙咀有間印度菜叫Kailash Parbat，素食之餘風評仲唔錯，鍾意試新野嘅我聽到當然不得不試啦，今天終於有機會約埋佢一齊去試。呢度摒棄傳統刻板嘅印度形象，裝修顯得相當現代化，俾人一種活潑多彩又有幾分藝術氣息嘅感覺。呢度係用英文點餐，侍應都相當熱情，有D字唔識發音都會主動教我地讀同簡單介紹下個道菜，服務質素不在話下。先印度菜點可以唔試下Cutting Chai (孟買半杯茶，即印度奶茶)呢? 同平時飲開嘅奶茶唔同，印度奶茶落左多種香料，味道多層次錯綜複雜，從而碰撞出一股獨特香味。白胡椒玉米湯加入左粟米、西蘭花、豆角、蘿蔔等唔同蔬菜，飲落唔係想像中嘅鹹味，而係鮮甜菜香味，再帶些微白胡椒嘅辛辣，特別得黎幾清新。唔好俾傳統印度素咖哩個名呃到，一拎起個匙羹好墜手！原來裡面多的是料，咖哩入面係成盤滿滿嘅芝士粒、洋蔥同青椒條。咖哩味道較刺激香辣，從來都唔會單獨食，呢個時候緊係要點一D傳統印度美食去配搭。我地分別叫左Naan 同 Papad，分別係馬薩拉芝士烤餅同印度薄餅(炸)。烤餅入面由多層疊成，鬆軟得黎又不失咬勁，加埋芝士更加煙軔。烤餅本身只以蒜少量調味，配合吸收並中和左嘅咖哩
呢度摒棄傳統刻板嘅印度形象，裝修顯得相當現代化，俾人一種活潑多彩又有幾分藝術氣息嘅感覺。
呢度係用英文點餐，侍應都相當熱情，有D字唔識發音都會主動教我地讀同簡單介紹下個道菜，服務質素不在話下。
先印度菜點可以唔試下Cutting Chai (孟買半杯茶，即印度奶茶)呢? 同平時飲開嘅奶茶唔同，印度奶茶落左多種香料，味道多層次錯綜複雜，從而碰撞出一股獨特香味。
白胡椒玉米湯加入左粟米、西蘭花、豆角、蘿蔔等唔同蔬菜，飲落唔係想像中嘅鹹味，而係鮮甜菜香味，再帶些微白胡椒嘅辛辣，特別得黎幾清新。
唔好俾傳統印度素咖哩個名呃到，一拎起個匙羹好墜手！原來裡面多的是料，咖哩入面係成盤滿滿嘅芝士粒、洋蔥同青椒條。咖哩味道較刺激香辣，從來都唔會單獨食，呢個時候緊係要點一D傳統印度美食去配搭。
我地分別叫左Naan 同 Papad，分別係馬薩拉芝士烤餅同印度薄餅(炸)。
烤餅入面由多層疊成，鬆軟得黎又不失咬勁，加埋芝士更加煙軔。烤餅本身只以蒜少量調味，配合吸收並中和左嘅咖哩醬料相當合拍，咬落辣辣地又有芝士同烤餅香味。
炸嘅印度薄餅香脆可口，脆度同薯片差唔多，一啪就斷。咖哩芝士粒放係面有種食緊墨西哥脆片嘅即視感，相比烤餅多左一種油炸香味，口感層次都豐富左唔少，卜卜脆，幾好食。
壓軸嘅係經典印度孟買炸薯蓉包。佢地用薯蓉搓成球再炸脆表皮，外表睇落似成舊炸薯仔，趣味性十足。薯蓉入面落左多款香料同黃咖哩粉，食落風味十足，用餐包去中和味道配搭效果相當夾，叫人食唔停口。另外仲有辣炸蒜粒同青辣椒提供，鍾意食辣嘅朋友可以夾埋一齊食。
今次食嘅菜式都偏街頭小食，但味道有少少喜出望外地好，價錢都適中。本人相當推介呢間餐廳，尤其係素食主義嘅朋友。
張貼
