麻辣風雲 (京都廣場) (已結業)

今日想介紹一下我成日食既麻辣風雲。佢地既口味好適合香港人，我一想到食川菜我就會黎呢間。😋😋首先點左乾煸四季豆，基本上都一定會叫既，蔬菜嘛～辣肉碎同四季豆炒得好香，四季豆煸得好乾身，咁先為之合格然後又叫左酸菜炒肥腸，大腸無臭味，肉質肥厚而且口感好好。配合酸菜、京蔥辣椒等一齊炒，好開胃最後一個當然係自選干鍋啦...自選干鍋可以任揀食物、配料、同埋味道。師傅會用辣椒莞炒到好香口，灑上芝麻令到香氣更上一步。我地今次叫咗牛肩肉、五花腩、豆卜、蓮藕片、土豆片等等。所有配菜香口到一個點再配埋洛神花茶/菊花蜜，清香既菊花蜜帶有蜜糖香甜，確實為夏日消暑良品❤️❤️