牛魔 (已結業)

我同朋友都唔識煮飯，所以係到學到好多燒野技巧🤣。 1.泡菜，前菜，沙拉 ，甜薯甜薯細細粒。店員話燒到皺皮就可以食。我怕煩連皮食，發現脆卜卜幾好食。 2. 我地叫左3款燒物，2款熟食！ (5⭐⭐係最高，星星分數係比較同一間餐廳的不同食物） 櫻花蝦栗米餃子⭐⭐⭐粒粒餃子都佈滿櫻花蝦，栗米餡料增加口感，d肉唔會散開。但係，我一夾d櫻花蝦就跌曬落碟。做得唔好，佢應該要貼實粒餃子😗😅 美國prime牛肋骨（⭐⭐⭐⭐）一卷卷牛肋骨已經醃好，攞開長過爐。牛肋骨有明顯大理石油花，燒果陣噴到好香既油脂味。 店員教我一邊燒30s到1min先，另一邊就唔曬咁熟。真係好好味，甜甜地牛香味😝 如果肋骨長度短少少更好，因為一d位燒到，有d位燒唔到。 M7和牛 （⭐⭐⭐⭐）雖然唔係最高級M11,M12和牛,M7只係排係中間位。但佢油花都多。食落去牛肉好鬆軟，入口就溶化。可惜係當日d店員太忙，冇幫我燒到和牛。🥲 粒帆立貝⭐⭐燒一邊先，燒到佢冇蛋白汁留出同縮左一半水，再燒另一邊。 冇話特別好食！🤣 石鍋拌飯（雞肉）⭐⭐最後先上，為左填飽我地個肚。