金紫荊生記粤菜廳 (已結業)

要與屋企人慶生，所以就諗住搵餐特別D嘅餐廳慶祝。以往一向都係食日本野多，於是今年轉咗去呢間餐廳食中菜。樓底很高還有海景，環境相當寧靜舒服。焦糖黑毛豬叉燒，黑毛豬整出嚟嘅叉燒真係唔同啲！ 半肥瘦叉燒 一啲都唔乾柴 ，肉質爽口彈牙，帶有蜜糖果香味，滿滿嘅醬汁非常惹味。店員就係我哋面前即刻表演火焰雞，帶嚟視覺衝擊。店員淋落去嘅係酒，令到雞肉有淡淡既酒香，除左酒香，仲有香甜既蜜香味，非常驚喜，能夠滿足食客打卡嘅慾望。香蔥海鹽馬友，廚師要慢慢煎才煎出這個外脆內軟的效果，廚師功力可見一斑。鹹香味味十足嘅魚皮和魚肉令到人食到一種幸福嘅感覺，加上蔥花，蔥香令更富層次。堂灼太白醉翁海中蝦海中蝦識郁好生猛，蝦味濃郁鮮甜，酒香中又有些少甜味令彈牙嘅海蝦更添滋味，酒香又唔會搶咗蝦味。。一口金錢雞透明肥豬肉、雞潤、薄叉燒，再加上蝴蝶餅，雞潤和蜜肝芳香而不肥膩，鐘意食肝臟嘅朋友必定要食。 香蔥鮑魚砂鍋焗飯，香噴噴的，在熱辣辣的砂鍋陪襯下更覺鑊氣十足。 溫度傳熱平均，炒飯保持熱辣辣，飯粒炒得乾身粒粒分明。總括這頓晚飯各人都頗滿意，極適合吃水談心，服務亦都好好，今次所有屋企人都讚好。