南昌咖啡麵 (已結業)

瞓到晏一晏求其搵間餐廳食嘢，入咗呢間南昌咖啡廳中位價錢，叫咗個特色常餐A，同埋特色下午茶餐G麵身唔會太淋，幾好，不過無落調味包，沙嗲牛肉冇沙嗲味，而且牛肉質感似豬肉比較鞋口，同埋餸既份糧少。煎蛋整得幾好食，點解唔會太燶，不過多士就dry左d,建議俾粒牛油我自己揸好過。個撈出前一丁好睇唔好食，咩都極淡，啲蔥只係做裝飾味道完全唔夾，旁邊碗湯侍應話冇落味精，係就係好健康，但實在淡而無味。。餐牌上面明明寫住係孜然雞翼，但係一d孜然味都冇，同平時喺屋企用鹽孽完嗰啲雞翼攞去煎果隻味一樣，同埋食得出雞翼未解凍就落鑊煎，有雪味仲好油，麻麻地。紅豆冰同凍奶茶都好大杯，奶茶夠滑，不過杯紅豆冰就爭啲，紅豆煮得好淋幾好，但係上面嘅椰汁底就好稀，溝得多水，味道有啲似豆漿，唔知佢係咪真係用豆漿整，定係淡得滯感覺似豆漿，整體來講賣相可以，但味道一般般。