影片
年初4同阿媽去迫圓玄學院， 1迫就迫左3粒鍾， 3點落山個下個人已經遮晒， 搭小巴出返深水埗就食個下午茶。下午茶餐每1個平均都3x蚊， 算係咁上下啦。 芝士蛋豬扒包（34蚊）：個包係熱辣辣， 外面好多餐廳連個包都唔烘就上枱， lee到算好有心。材料都幾豐富，味道都唔錯， 有埋沙律醬同千島醬係底， 個豬扒唔會被鬆肉粉整到冇晒味， 又淋又有豬肉香味。孜然炸雞翼加薯寶（35蚊）： lee個餐唔太抵食， 得3隻中翼，味道OK, 但薯寶好細粒， 而且中間雖然有粟米粒， 但怪怪地， 唔夾。值得一提係個奶茶， 有奶香茶香， 唔苦，唯一係唔夠滑， 但已經比外面好多茶餐廳好。lee到d侍應姐姐好親切， 會同d熟客吹水講下馬經。
繼續閱讀
今日第二次去就點了個下午茶餐麻辣雞肉米線再加一個雪山多士。問佢個雪山多士是否即係西多(因為睇枱上相片係炸多士加舊雪糕)佢又話係，佢都有講暫無雪糕我都覺無所謂所以點了一份。來到切開完全無饀，一點花生醬或者煉奶或咖央都沒有。問個侍應有無糖膠，佢話無咩糖膠呀?咁我問糖漿呢？糖漿有，糖膠無。我話我咁要糖漿啦～唔該用來做咩呀？我答個雪山多士無餡所以想要一點。佢竟然跟著問個廚房師父，師父話叫你點沙糖喎……我話我唔想食沙糖佢竟然唔理我咩都唔比其實個侍應係咪有問題呀？我而家唔係問你拎咩特別野。只不過係個糖漿都好似好矜貴咁，你個多士又無餡又無雪糕，點嗰時問你又話即係炸西多其實你識唔識架?跟著再問其他侍應佢都即刻比我。唔係要你比咩優質體貼服務。但小小野都攪到個客好似乞咁就唔係太好囉～
繼續閱讀
喜歡原因： 深水埗汝州街越來越多茶記，老實講間間食物價錢差不多，味道千篇一律。食得多自然要求食材真材實料（ 長期飯堂）嘛！健康D又得、濃味D又得，對自己要好D，話明茶價錢💰💰，食得輕鬆，$40-$50蚊食到中環高檔茶記食物質素。識食食🉐️出，高手真係在民間😃強烈推介：豬潤嫩滑冇燥味😋😋👍🏻👍🏻👍🏻 芝士鷄亦, 功夫菜 外脆內爆芝士汁，啖啖肉，好食 過連鎖快餐小小提示：深水埗茶記要求食物真味道，好手勢。
繼續閱讀
2020.09.04第二次幫襯，疫情底下，二人一枱，坐得舒服咗。顧客舒服，食肆難捱。黑椒牛扒飯，份量十足。黑椒汁勁夠味道，牛扒當然係落咗鬆肉粉。但都算係唔錯。有一定好厚度，亦有先用醃料處理。雞翼撈出前一丁配紅豆冰。雞翼值得推薦，三隻雞翼由開餐食到最後，都保持住熱辣辣。味道好外皮仲脆卜卜。另外紅豆冰也要試，紅豆蓉唔太甜又夠林。麻辣牛肚，好似我怕辣嘅就剛剛好。腐乳西生菜，腐乳汁略嫌太稀，掛唔到係啲菜到。
繼續閱讀
疫情係屋企鬱太耐，決定落街食個靚早餐過到來汝州街一如既往好多選擇再終決定行入哩間，因為之前食過lunch 幾好估唔到遇到個西面趕客阿姐入去前full mood ，食完no mood -→→→→→→→→→→→→→→→→→→一入去個阿姐幫我測體溫，佢西面程度40%測完我諗住坐翻上次個位，被個阿姐話“一個人坐哩邊得啦。。$#%？。。”佢西面程度40%→→→→→→→→→→→→→→→→→→嗌左個早餐A （沙爹牛面+煎蛋+西多）凍檸茶阿姐好瀟灑，慢慢從我身邊經過，無應答，我諗佢聽到掛？仲系度諗緊我系咪太細聲就見佢行入cashier 打單，果然有性格夠孤傲→→→→→→→→→→→→→→→→→→等左2，3分鐘，凍檸茶上枱，再過2，3分鐘牛面上枱，望落吸引嘅一叉叉落去擺入口，dklm，啲牛凍嘅😂好彩個湯面仲熱，即刻撈一撈先，食食下又覺唔妥，原來啲牛好骸其實真系無誇張，食過咁多牛面之中都算骸得最出類拔萃→→→→→→→→→→→→→→→→→→其間有個插曲，有個男人行入來又被個阿姐西面安排坐埋一邊其實一早，好多吉位剩出乎意料嘅系，個男人無同我一樣選擇配合聽到佢話“坐哩度咁逼gip ，咁唔食lu ~”走左😂咁又系，成條汝州街咁多選擇，洗入來受你氣？一出門口轉左轉右都各兩間啦又唔見你有幾爆，大把吉位剩，都唔識轉彎嘅男人一走，個阿姐即刻同另一枱嘅客人呻“？…！~%$#。。。啱吾啱啊？%“+$@。。。啱吾啱啊？”睇來阿姐選擇唔應客，留力來呻，佩服啱，你啱曬，客錯曬→→→→→→→→→→→→→→→→→→花生食完，牛面都食埋，先發覺我個煎蛋同西多都未上，其實過左十幾分鍾啦催完等左2，3分鐘蛋同西多上枱，20秒ko →→→→→→→→→→→→→→→→→→埋單時阿姐依家西面，西面程度60%可能頭先個男人激親佢掛？成個收錢過程最後各自沉默不語→→→→→→→→→→→→→→→→→→可能阿姐同佢老細過唔去，又或者阿姐系老細，同生意過唔去啦，點解咁強硬安排坐位又西面，不得而知食個早餐一般最耐15分鐘就走人啦，又唔見你個場有幾爆客人落來堂食都只不過想坐得舒服啲姐我諗唔爆都有原因嘅→→→→→→→→→→→→→→→→→→非專業食評柯打：沙爹牛肉面，西多，煎蛋，凍檸茶美味程度：3/5（沙爹牛凍嘅，比較骸，西多煎蛋同凍檸茶都系正嘅）服務水平：0/5（不予置評）會否復桌：不了→→→→→→→→→→→→→→→→→→多謝閱讀🙏🏻
繼續閱讀