柏景餐廳 (已結業)

裝修過後, 環境係幾闊落, 同埋幾潮, 仲有open kitchen添, 但係食物款式實在太少, 尤其是日本料理例如魚生好似配給咁, 客人要排隊攞, 魚生師傅先慢慢切3、4片俾你, 壽司款式又係好少, 點心檔得嗰幾款, 小籠包、蒸蘿白糕、蝦蛟等等。海鮮方面, 連buffet最常有既生蠔都欠缺。甜品方面, 卯卯可數, 只有幾款蛋糕、mousse cake、pan cake、窩夫、朱古力噴泉, 比較以前甜品款式比較少, 少左細杯裝精緻甜品, 雪糕仲唔係一大筒任畢, 而係雀巢杯裝雪糕、脆皮雪條。唉! 甜品係我既至愛, 無咩選擇之下, 真係幾失望。唯一較吸引既甜品係燕窩炖蛋, 可惜份量太少, 好細杯呀!我地7點鐘食到8點半先有待應添水, 服務唔多掂!