女人街食飯公司

營業中

休息中

之前好多人都講位於旺角女人街食飯公司出名懷舊，全個裝修好特別，今次終於試到，約了幾個friend上去食，一入到去有一些好懷舊感覺，地方夠大，好乾淨，全部設計都系七八十年代，唔會太花巧，簡簡單單。風沙九肚魚：炸到好乾身，脆口，完整嘅九肚魚好香好滑身，肉質鮮美，粉漿調味已經足夠，可以唔使點其他嘢。彩椒黑醋脆豬枊：近似咕嚕肉食法，不過係以黑醋為主角，豬肉瘦肥適中，調味以酸甜為主，非常之夾。蟹子蛋白野菜脆米炒飯：飯粒炒到好乾身，調味又足夠，面上放了好多蟹籽，令到成個飯繽紛色彩。依間餐廳實在太受歡迎，提提大家如果想食嘅話要早些少book位,應該都會等好耐。