奈良上釜 (已結業)

店鋪環境：好迫好迫，袋要擺大脾，我覺得一人消費要二三百，唔應該係咁。（土地問題🤦🏼‍♀️）枱都係好細，只夠擺自己set嘅托盤⋯積極d諗，佢上左前菜，一定要等我地食晒先再上主菜⋯食物：前菜蒸蛋係唔錯，都算滑，有d料咁，豆腐味道都中上。我俾85分。個飯都幾香，不過冇乜味，個蟹又冇鮮味，定係suppose係咁？我真係好失望，overall個飯就係比白飯多小小味咁。酒類飲品得sapporo同sake(雖然好多款sake)，但唔飲sake就會得返Sapporo一個選擇。服務：佢係會搭枱嘅，我食緊野嘅時候，佢會經我呢邊上菜（成日盤）遞俾隔離枱，但明明隔離係有位，個感覺好奇怪⋯野食又上錯🤦🏼‍♀️不過感覺到店員應該唔係專登，可能比較新，態度都可以嘅～總括黎講佢唔係提供返同價錢對應嘅質素。